რობერტ ხარჩილავა

დაბადების ადგილი: ქ. ოჩამჩირე.

დაამთავრა სოხუმის ინდუსტრიული ტექნიკუმის სამშენებლო 1959 წელს; ვორონეჟის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი 1968 წელს.

1968-1974წწ. მუშაობდა სსრკ მშენებლობის სამინისტროს ვორონეჟის ტერიტორიულ სამშენებლო ორგანიზაციაში, ერთ-ერთი სამშენებლო სამმართველოს უბნის უფროსად, მთავარ ინჟინრად, სამმართველოს უფროსად; 1975-1983წწ. იყო საქართველოს მშენებლობის სამინისტროს სამშენებლო ტრესტ "კურორტმშენის" (ყოფილი "ბიჭვინთმშენი") მთავარი ინჟინერი, ამავე ტრესტის მმართველი; 1983-1984წწ. მისი რეორგანიზაციის შემდეგ გაგრის ექსპერიმენტული სახლმშენებელი კომბინატის დირექტორი; 1985-2005წწ. შრომითი საქმიანობის შემდეგ პერიოდში მუშაობდა სამშენებლო ტრესტ "თბილმშენის" N2 სამშენებლო-სარემონტო სამმართველოს მთავარ ინჟინრად; აქტიურად მონაწილეობდა ქალაქ გაგრის კომპლექსურ განაშენიანებაში, ხელმძღვანელობდა საცხოვრებელი, კულტურულ-საგანმანათლებლო და სამრეწველო დანიშნულების ობიექტების, ასევე, დაბა ბიჭვინთისა და გუდაუთა-ახალი ათონის მსხვილი საკურორტო და ტურისტული კომპლექსების მშენებლობას, როგორებიცაა: კლიმატურ-ბალნეოლოგიური სარეაბილიტაციო ცენტრი 350 ადგილზე ქ. გაგრაში, სანატორიუმი 500 ადგილზე დაბა მიუსერაში, ტურისტული სასტუმროები 500 ადგილზე გუდაუთასა და ოჩამჩირეში; მნიშვნელოვანი წვლილი აქვს შეტანილი მაღლივი (16 და 18-სართულიანი) საცხოვრებელი და საზოგადოებრივი დანიშნულების შენობების სეისმომედეგი, უნიფიცირებული, ანაკრები რკინაბეტონის კარკასული ნაკეთობების (სერია იი-04) ათვისებისა და დანერგვის საქმეში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.714