გივი ხაჭაპურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1951 წელს.

მუშაობდა საკავშირო დაქვემდებარების საპროექტო ინსტიტუტ "ჰიდროენერგოპროექტის" თბილისის განყოფილებაში, საქართველოს მშენებლობის სამინისტროს აპარატში; 1968-1972წწ. ხელმძღვანელობდა იმავე სამინისტროს ტრესტ "მშენკომპლექტს", ასევე საქართველოს მინისტრთა საბჭოსთან არსებული სამონტაჟო და სპეცსამუშაოების მთავარი სამმართველოს ტრესტ "საქსანტექმონტაჟს", იყო იმავე სამმართველოს კოლეგიის წევრი; მუშაობდა საქართველოს მშენებლობის სამინისტროს N2 სამშენებლო ტრესტის მმართველისა და სამშენებლო-სამონტაჟო საწარმოო გაერთიანება "თბილქალაქმშენის" უფროსის მოადგილედ, ასევე, ჰოლდინგურ კომპანია "თბილქალაქმშენში"; დიდი წვლილი აქვს შეტანილი სამრეწველო-სამოქალაქო დანიშნულების რიგი ობიექტების მშენებლობაში, თბილისის გლდანის, ვარკეთილის, ვაზისუბნის, ფონიჭალის, დიდი დიღმის საცხოვრებელი მ/რ განაშენიანება-კეთილმოწყობაში, ჩერნობილის ატომური ელექტროსადგურის ავარიისა და საჩხერის რაიონში მიწისძვრის შედეგად დაზიანებული სახლების აღდგენაში, ტიუმენის ოლქში (რუსეთში) საცხოვრებელი სახლების მშენებლობაში; მიღებული აქვს სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.716