იური ჩაჩხიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1962 წელს.

1962-1966 წწ. იყო საქართველოს პოლიტექნიკური ინსტიტუტის ფიზიკის კათედრის ასისტენტი, 1966-1970 წწ. ამავე კათედრის ასპირანტი, 1970-1976 წწ. კვლავ  ფიზიკის კათედრის ასისტენტი, 1976-1987 წწ. ამავე კათედრის დოცენტი. 1987-1990 წწ. მუშაობდა ფიზიკის კათედრის პრობლემურ ლაბორატორიაში სექტორის უფროსად; 1990-1997 წწ. მყარი ტანის ფიზიკის კათედრის გამგედ, ხოლო 1997 წლიდან სიცოცხლის ბოლომდე - საქართველოს ტექნიკური უნივერსიტეტის ფიზიკის დეპარტამენტის უფროსად. ფიზიკა-მათემატიკის მეცნიერებათა დოქტორი. 

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.77; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.127

• 2001 - საქართველოს ღირსების ორდენი
• 1998 - ღირსების მედალი
  საქართელოში ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი პირადი წვლილისათვის
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  მონოგრაფიებისთვის: "თორიუმის შენადნობებისა და ნაერთების მაგნეტიზმი" (თბილლისი, 1986); 2."ურანის ინტერმეტალური შენაერთები"(თბილისი, 1990)