გივი ვაშაძე

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის მექანიზაციის ფაკულტეტი 1949 წელს.

1949-1954 წწ. მუშაობდა  საქართველოს  სოფლის მეურნეობის მექანიზაციის დარგის საწარმოო და სამეცნიერო-კვლევით დაწესებულებებში ინჟინრად, 1955 წლიდან კი ხელმძღვანელ თანამდებობებზეა: 1955-1959 წწ. იყო ლაგოდეხის საყრდენ-საჩვენებელი მანქანა-ტრაქტორთა სადგურის დირექტორი; 1959-1964 წწ. საქართველოს სსრ მინისტრთა საბჭოს უფროსი რეფერენტი; საქართველოს სსრ მინისტრთა საბჭოს რესპუბლიკური გაერთიანება "საქსოფლტექნიკის" თავმჯდომარის მოადგილე. 1965-1972 წწ. არჩეული იყო  საქართველოს კპ წყალტუბოს რაიკომის პირველ მდივნად, საქართველოს უმაღლესი საბჭოს დეპუტატად. 1972 წელს დაინიშნა საქართველოს მინისტრთა საბჭოს რესპუბლიკური  გაერთიანება "საქსოფლტექნიკის" თავმჯდომარედ და საქართველოს მთავრობის წევრად; 1974-1990 წწ. იყო საკავშირო დაქვემდებარების საქართველოს სასოფლო-სამეურნეო ტექნიკის საგამოცდო საკვლევი-სამეცნიერო დაწესებულების დირექტორი. არის ორი გამოგონების ავტორი. საქართველოს აგროსამრეწველო კომპლექსის განვითარებაში მისი წვლილი  აღნიშნული იყო საქართველოს უმაღლესი საბჭოს პრეზიდიუმის სიგელებით, სახელმწიფო ორდენებითა და მედლებით.

წყარო: ვაშაძეები.-თბ.,2008

• საქართველოს მე-7 და მე-8 მოწვევის უმაღლესი საბჭო, დეპუტატი

• საქართველოს დამსახურებული ინჟინერი