ლევან ხიმშიაშვილი

დაამთავრა თბილისის სამხატვრო აკადემიის არქიტექტურის ფაკულტეტი 1951 წელს.

1951-1963წწ. მუშაობდა საქართველოს კულტურის სამინისტროს ძეგლთა დაცვისა და რესტავრაციის სახელოსნოში; 1961 წლიდან მოღვაწეობდა თბილისის სახელმწიფო სამხატვრო აკადემიის არქიტექტურის ფაკულტეტზე ძეგლთა რესტავრაციის მიმართულებით; იყო არქიტექტურის ფაკულტეტის დეკანი; მის მიერ შესრულებული ნამუშევრებიდან აღსანიშნავია: "სამწევრისი" (აზომვა, კვლევა, რესტავრაციის პროექტი) 1952-1953წ., "ნინოწმინდის სახლის" რესტავრაციის პროექტი 1953-1954წ., "სხალთა" 1955წ., "წირქოლი" 1960წ., ვარძიის კონსერვაციის პროექტი 1959-1965წ., "თიანეთის სიონი" 1967წ., "წითელი ხიდის" რესტავრაციის პროექტი 1965წ.; ავტორია რიგი მეცნიერული ნაშრომებისა; დიდი ღვაწლი მიუძღვის ახალგაზრდა რესტავრატორთა აღზრდის საქმეში; არქიტექტურის დოქტორი; დაჯილდოებულია მედლებით: 1944 წელს "საბრძოლო დამსახურებისათვის", "მამაცობისათვის", "გერმანიაზე გამარჯვებისათვის" 1946წ., "შრომითი დამსახურებისათვის" 1965 წელს.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.720-721

• საქართველოს ხელოვნების დამსახურებული მოღვაწე

• სამწვერისი : ტაძარი. ქართული ხუროთმოძღვრების ძეგლი (ავტორი). - თბილისი, 1962. - 10გვ.