გურამ ხომერიკი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს; საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის ასპირანტურა.

1996-1998წწ. მუშაობდა საქართველოს სასოფლო მშენებლობის სამინისტროს სხვადასხვა ტრესტების მმართველად, საქართველოს მთავრობის სამეურნეო სამმართველოს საპროექტო-სამრეწველო-სამშენებლო გაერთიანების გენერალურ დირექტორად, სამშენებლო მასალების წარმოების კონსულტანტად, საქართველოს პარლამენტის დარგობრივი ეკონომიკის კომიტეტის უფროს სპეციალისტად; 2001-2005წწ. იყო სს "საქქალაქმშენპროექტის" დირექტორის მოადგილე; 1998 წლიდან იყო საქართველოს მშენებელთა ფედერაციის აღმასრულებელი მდივანი; 2004 წლიდან თავმჯდომარეობდა ამავე ფედერაციის გამგეობას, ხელმძღვანელობდა სოციალური ობიექტების საპროექტო-სამშენებლო ფირმა შპს "პულსს"; მონაწილეობდა თბილისის ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის საავადმყოფოთა კომპლექსის, ტუბერკულოზის სამკურნალო და ონკოლოგიურ დაავადებათა ეროვნული ცენტრის საავადმყოფოების, ბავშვთა რესპუბლიკური საავადმყოფოს, სამედიცინო რადიოლოგიის ს/კ ინსტიტუტის საავადმყოფოს პროექტების, ნეიროქირურგიის ცენტრის საავადმყოფოს რადიოლოგიური და ბირთვული მედიცინის განყოფილებების საპროექტო დოკუმენტაციის, საქართველოში სამშენებლო-საინჟინრო სტანდარტების, ნორმებისა და წესების პროექტების შემუშავებაში; იყო რამდენიმე სამეცნიერო პუბლიკაციის, გამოგონების, წიგნისა და იურიდიული ცნობარის ავტორი, გაზეთ "მშენებლის" რედაქტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.723

• საქართველოს საინჟინრო აკადემია, წევრ-კორესპონდენტი

• საქართველოს დამსახურებული მშენებელი

• ინჟინერი მამია კიკნაძე : ცხოვრება და მოღვაწეობა მშენებელის ცნობიერებით (Author). - თბილისი, გლობალ-პრინტი, 2001. - 177გვ.