მიხეილ ჯანიკაშვილი

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი ინჟინერ-მექანიკოსის სპეციალობით 1970 წელს.

1971-1974 წწ. მუშაობდა საქართველოს პოლიტექნიკური ინსტიტუტის მანქანათმშენებლობის ტექნოლოგიის კათედრის ასისტენტად; 1975-1979 წწ. იყო ლენინგრადის ზუსტი მექანიზმებისა და ოპტიკის ინსტიტუტის ასპირანტი; 1980-1982 წწ. საწარმოო გაერთიანება "ელექტროაპარატის" მთავარი კონსტრუქტორი; 1982 წლიდან - საქართველოს პოლიტექნიკური ინსტიტუტის მანქანათმშენებლობის ტექნოლოგიის კათედრის დოცენტი, პარალელურად, იგი იყო საქართველოს კოსმოსურ ნაგებობათა ინსტიტუტის მთავარი ინჟინერი; 2004-2005 წწ. "საქსტანდარტის" გენერალური დირექტორი; 2007 წლიდან არის რუსთავის მეტალურგიული ქარხნის - "ქართული ფოლადის" დირექტორი ინოვაციებისა და განვითარების საკითხებში. ტექნიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.92; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.195; 

• საქართველოს საინჟინრო აკადემია, წევრი

• 2001 - ვახტანგ გორგასლის III ხარისხის ორდენი
• 1999 - ვახტანგ გორგასლის II ხარისხის ორდენი
  კოსმოსურ ორბიტაზე პირველი ქართული კონსტრუქციის გატანაში, ორბიტალურ სადგურ ''მირზე'' საქართველო-რუსეთის ერთობლივი პროგრამა ''რეფლექტორით'' ურთულესი ექსპერიმენტის წარმატებით ჩატარებაში, მსოფლიო ბაზარზე კოსმოსური სატელეკომუნიკაციო და სპეციალური თავდაცვითი პროგრამებისათვის მაღალკონკურენტიანი, მეცნიერებატევადი პროდუქციის წარდგენაში შეტანილი სამეცნიერო-ტექნიკური და საწარმოო-ტექნოლოგიური წვლილისათვის
• 1996 - ღირსების ორდენი
  საქართველოს კოსმოსურ ნაგებობათა ინსტიტუტის საგურამოს სასტენდო კომპლექსის გადარჩენისათვის, ქვეყანაში სტაბილიზაციის დადგომის დროს მისი საექსპლოატაციოდ მომზადების სამუშაოებში შეტანილი ნმიშვნელოვანი წვლილისათვის
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1978-1993 წლებში შესრულებული ნაშრომისთვის - "კოსმოსური საინჟინრო კონსტრუქციები, მათი შექმნისა და გამოცდების მიწისზედა სასტენდო კომპლექსი"