აბესალომ ხუნწარია

დაამთავრა თბილისის საავიაციო ტექნიკუმი 1946 წელს; საქართველოს პოლიტექნიკური ინსტიტუტის მექანიკის ფაკულტეტი 1951 წელს.

1951-1957წწ. მუშაობდა N149 საფოსტო ყუთის ინჟინრად; 1965-1971წწ. საქართველოს სახალხო მეურნეობის საბჭოში განყოფილების ინჟინრად, მთავარ ინჟინრად, გამგედ; 1971-1976წწ. საქართველო მინისტრთა საბჭოს მრეწველობის, ტრანსპორტისა და კავშირგაბმულობის განყოფილების უფროს რეფერენტად, განყოფილების გამგის მოადგილედ; 1976-1986წწ. საქართველოს მინისტრთა საბჭოს საქმეთა მმართველის მოადგილედ; 1986-1995წწ. რესპუბლიკური გაერთიანება (შემდგომში - კონცერნი) "საქსოფმშენის" საბჭოს პასუხისმგებელ მდივნად; 1995 წლიდან ბიზნესცენტრ "სოფმშენის"  საკონსულტაციო  და სამეთვალყურეო საბჭოების წევრია; დიდი წვლილი აქვს შეტანილი საქართველოს სამრეწველო ობიექტების გამართულ მუშაობაში, მათ შორის "საქკაბელის", ბათუმის ელექტროურიკების, თბილისის ჩარხმშენებელი, ელმავალმშენებელი, ქუთაისის მცირეგაბარიტიანი ტრაქტორების და სხვა ქარხნების მშენებლობასა და მანქანა-დანადგარებით უზრუნველყოფაში; აქტიურად მონაწილეობდა საქართველოს 1987-1990 წლების სტიქიური მოვლენების შედეგების სალიკვიდაციო ღონისძიებებში; ხელმძღვანელობდა მსოფლიოს სხვადასხვა ქვეყნებში საქართველოს გამოფენების მოწყობას; დიდი წვლილი აქვს შეტანილი ქართულ-საზღვარგარეთულლი ეკონომიკური კავშირების განვითარებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.729; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.189

• საქართველოს მშენებელთა ფედერაცია, დამფუძნებელი

• 2000 - ღირსების ორდენი
• საქართველოს დამსახურებული ინჟინერი