დავით ხუციშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1981 წელს.

1981 წელს დაიწყო შრომითი საქმიანობა საპროექტო ინსტიტუტ "კავკასტრანსპროექტში" ინჟინრად; 1985-1989წწ. მუშაობდა ამიერკავკასიის რკინიგზის სამმართველოს სამშენებლო ტრესტის N1 სამშენებლო სამმართველოს მთავარ ინჟინრად; 1989-1990წწ. სამშენებლო ტრესტ "საქტრანსმშენის" საწარმოო განყოფილების უფროსად; 1990-1999წწ. ხელმძღვანელობდა ტრესტ "საქტრანსმშენის" N692 სამმართველოსა და N3 ფილიალს; 1999 წლიდან სს "ტრანსმშენის" გენერალური დირექტორი იყო; მონაწილეობდა "მარაბდა-ახალქალაქის" ახალი ხაზის ურთულესი საუღელტეხილო მონაკვეთის, სადგურების წალკა, თრიალეთი, თაფარავანის გადასარბენების, თბილისის სარკინიგზო ვაგზლის, სურამის უღელტეხილის მეორე ლიანდაგების, წმ. სამების ტაძრის (თბილისში, ვაკეში), "ლოკომოტივის" სტადიონის სპორტული კომპლექსის, საცხოვრებელი სახლებისა და სხვა ობიექტების მშენებლობაში; ასევე სამტრედიის კვანძის განვითარების (რეკონსტრუქცია), შავისზღვისპირა რკინიგზის ხაზის დაცვა-გამაგრებისა და "მარაბდა-ახალქალაქის" ახალი ხაზის დაპროექტებაში; აქტიურად იყო ჩართული საქართველოში სტიქიური მოვლენების შედეგად დაზარალებული მოსახლეობისათვის საცხოვრებელი სახლებისა და აფხაზეთის ომის დროს (ქ. სოხუმსა და მის შემოგარენში) დაზიანებული შენობა-ნაგებობების აღდგენაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.731; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.288

• 1999 - ღირსების ორდენი
  საქართველოში სატრანსპორტო კომპლექსების მშენებლობაში შეტანილი პირადი წვლილისა და მაღალი პროფესიონალიზმისათვის, სტიქიური მოვლენების დროს დაზიანებული შენობა-ნაგებობებისა და აფხაზეთის ომის პერიოდში აღდგენითი სამუშაოების ჩატარებისას გამოჩენილი მაღალი მოქალაქეობრივი პასუხისმგებლობისათვის