ქართლოს ხოტივარი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის რუსული ენისა და ლიტერატურის განყოფილება 1957 წელს და კინემატოგრაფიის საკავშირო სახელმწიფო ინსტიტუტის (ვგიკ-ის) სადადგმო ფაკულტეტის სარეჟისორო განყოფილება (ა. ზგურიდის სახელოსნო) 1967 წელს.

1959-1964წწ. მუშაობდა კინოსტუდია "ქართულ ფილმში" რეჟისორის ასისტენტად, 1968-1971წწ. საქართველოს სატელევიზიო ფილმების სტუდიაში. მიხეილ ზოშჩენკოს მოთხრობის მოტივების მიხედვით გადაიღო ტელენოველა "სერენადა" (1968) და ფილმი ესპანელი ანონიმი ავტორის მოთხრობის "კასარილიო ტორმესელის თავგადასავალის" მიხედვით. გიორგი ლეონიძის  მოთხრობის "სოფლის შარაგზაზე" მოტივების მიხედვით დაიწყო სრულმეტრაჟიანი ფილმის "ლაზარეს თავგადასავალის" გადაღება, რომელიც მისმა ძმამ-კინორეჟისორმა რამაზ (ბუბა) ხოტივარმა დაასრულა. კინორეჟისორი.

წყარო: ქართული კინო, 1896-2011.- თბ., 2011.- გვ. 224; ეროვნული ფილმოგრაფიის პორტალი: geocinema.ge

• 1970 - ადელაიდას ხელოვნების საერთაშორისო ფესტივალის ვერცხლის პრიზი
  ფილმისთვის "სერენადა"