შალვა ჯაბუა

დაამთავრა ამიერკავკასიის სამიმოსვლო გზების ინჟინერთა ინსტიტუტი 1931 წელს.

1931-1939წწ. მუშაობდა ლენონგრადის სამშენებლო ტრესტ "ლენმოსტსტროიში"; 1939-1946წწ. მონაწილეობდა ფინათისა და II მსოფლიო ომებში; 1946 წლიდან იყო საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტის დირექტორის მოადგილე (სამეცნიერო ნაწილში), საქართველოს მშენებლობის საქმეთა სახელმწიფო კომიტეტის ("სახმშენის") და საქართველოს მშენებლობის სამინისტროს სამეცნიერო-ტექნიკური საბჭოების წევრი; მისი ხელმძღვანელობით დამუშავებულ იქნა სეისმომედეგი კონსტრუქციები აგურის, მსხვილბლოკური და მსხვილპანელიანი სახლებისათვის; მონაწილეობდა ვოლოდარსკის და ლეიტენანტ შმიდტის სახელობის ხიდების მშენებლობაში (მდინარე ნევაზე), მიწისძვრების შედეგთა ინჟინერულ გამოკვლევაში, სეისმომედეგი მშენებლობის ნორმების დადგენაში; იყო ტექნიკის მეცნიერებათა კანდიდატი; გამოქვეყნებული აქვს 50-მდე ნაშრომი, მათ შორის, 14 მონოგრაფია; მიღებული ჰქონდა საბრძოლო ორდენები და მედლები, სხვა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.732-733

• საქართველოს დამსახურებული ინჟინერი

• ნაგებობათა სეისმომედეგობა (თანაავტორი). - თბილისი, მეცნიერება, 1980. - 324გვ.
• აკადემიკოსი ოთარ ონიაშვილი, 1915-1968 (სამშენებლო მექანიკის დარგში) (თანაავტორი). - თბილისი, მეცნიერება, 1972. - 26გვ.