ჯემალ ჯავახია

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების, ხიდებისა და აეროპორტების მშენებლობის სპეციალობით 1963 წელს.

1963-1972წწ. შრომით საქმიანობა დაიწყო საქართველოს საავტომობილო გზების სამინისტროს საპროექტო ბიუროში ინჟინრად; შემდეგ მუშაობდა ლაბორატორიის ხელმძღვანელად, იყო ამავე სამინისტროს ერთ-ერთო ორგანიზაციის უფროსი სამუშაოთა მწარმოებელი; 1973 წელს გადაიყვანეს თბილისის საქალაქო საბჭოს აღმასკომის საგზაო მეურნეობის სამმართველოს N12 საგზაო-საექსპლუატაციო უბნის უფროსად კრწანისის რაიონში, რომელსაც ხელმძღვანელობდა წლების განმავლობაში; მისი მონაწილეობით და ხელმძღვანელობით განხორციელებულ ობიექტებს შორის აღსანიშნავია თბილისის აეროპორტის I კატეგორიის ავტოსტრადა, კრწანისისა და გორგასლის ქუჩები, მტკვრის მარჯვენა სანაპიროს ავტომაგისტრალი და სხვა; დაჯილდოებულია საქართველოს საავტომობილო გზების სამინისტროს საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.733