თენგიზ წივწივაძე

დაბადების ადგილი: სოფელი კვახჭირი, თერჯოლის რაიონი.

დაამთავრა საქართველოს პოლიტექნიკური ინსტიტუტის ქიმიური და კვების ტექნოლოგიის ფაკულტეტი კერამიკისა და ცეცხლგამძლე მასალების ქიმიური ტექნოლოგიის სპეციალობით 1969 წელს.

1969-1970 წწ. იყო საქართველოს პოლიტექნიკური ინსტიტუტის ზოგადი და არაორგანული ქიმიის კათედრის ასისტენტი; 1970-1975 წწ. ამავე ინსტიტუტის ასპირანტი; 1975-1980 წწ. ინსტიტუტის ზოგადი და არაორგანული ქიმიის კათედრის ასისტენტი, 1981-1992 წწ. ამავე კათედრის დოცენტი, 1992 წლიდან პროფესორი; პარალელურად, 1992-1993 წწ. იყო საქართველოს დავით აღმაშენებლის სახელობის უნივერსიტეტის რექტორი; 2005 წლიდან ხელმძღვანელობდა ბიოლოგიურად აქტიურ ნივთიერებათა კვლევის ცენტრს; კითხულობდა ზოგადი და არაორგანული ქიმიის ლექციათა კურსს ქიმიური და აგროტექნოლოგიური სპეციალობის ბაკალავრიატის სტუდენტების, მაგისტრანტებისა და დოქტორანტებისთვის. გამოქვეყნებული აქვს 250-ზე მეტი სამეცნიერო ნაშრომი, მათ შორის, 5 მონოგრაფია და 12 სახელმძღვანელო, მიღებული აქვს 4 პატენტი. მეცნიერის კვლევის სფეროს წარმოადგენდა ბუნებრივი და სინთეზური ბიოლოგიურად აქტიური ნივთიერებების მიღება, ფიზიკურ-ქიმიური და ბიოლოგიური თვისებების შესწავლა და მიღებული შედეგების პრაქტიკული გამოყენება. ქიმიის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.106; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.127; facebook.com

• ნიუ-იორკის (აშშ) მეცნიერებათა აკადემია, წევრი
• საქართველოს საინჟინრო მეცნიერებათა აკადემია, აკადემიკოსი

• 1999 - ღირსების ორდენი
• 1998 - ღირსების მედალი
  საქართველოში ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი განსაკუთრებული წვლილისათვის
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1987-1994 წლებში შესრულებულ შრომათა ციკლისათვის - "ლითონთა კოორდინაციული ნაერთები: სინთეზი-აღნაგობა-თვისება"

• ზოგადი, არაორგანული და კოორდინაციული ქიმია : სახელმძღვ. (ავტორი). - თბილისი, ტექნ. უნ-ტი, 2013. - 384გვ.
• მეტრონიდაზოლის სტრუქტურულ თავისებურებათა გამოკვლევა და 5-კოორდინაციულ სპილენძის კომპლექსთა ბიოაქტიურობის კონცეფცია : მონოგრაფია (თანაავტორი). - თბილისი, 2013. - 72გვ.
• პირიდინკარბონმჟავათა ამიდებთან კობალტისა და სპილენძის ბიოკოორდინაციული ნაერთები : მონოგრაფია (თანაავტორი). - თბილისი, 2011. - 208გვ.
• ბიოაქტიური კომპლექსნაერთები ახალ ტექნოლოგიებში : მონოგრაფია (თანაავტორი). - თბილისი, სიესტა, 2011. - 256გვ.
• ბიოკოორდინაციული ნაერთების შედგენილობა-აღნაგობა-თვისებები და მათი როლი არატრადიციული სამკურნალო საშუალებების, ბიოლოგიურად აქტიური დანამატებისა და კვების პროდუქების შემუშავებაში : მონოგრაფია (თანაავტორი). - თბილისი, ცოდნა, 2009. - 172გვ.