შალვა ჯალაღონია

დაბადების ადგილი: სოფელი ახუთი, ჩხოროწყუს რაიონი.

დაამთავრა ცელინოგრადის ინდუსტრიული ინსტიტუტი საინჟინრო მექანიკის სპეციალობით 1957 წელს.

მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენის" სამშენებლო-სამონტაჟო სამმართველო "სპეცშახტმონტაჟის" ტყვარჩელის სამონტაჟო უბნის ელექტროზეინკლად, სამუშაოთა მწარმოებლად; 1968 წელს გადაიყვანეს მარნეულის სპეციალურ სამშენებლო-სამონტაჟო სამმართველოში, სადაც 1969-1980წწ. ხელმძღვანელობდა სამონტაჟო უბნებს მარნეულსა და ონში; 1980-1983წწ. იყო სამშენებლო-სამონტაჟო სამმართველო "საქსპეცშახტომონტაჟის" მთავარი ინჟინერი; 1983-1996წწ. ამავე სამმართველოს უფროსი; 1996-2001წწ. შემდეგ შპს "საქსპეცშახტომონტაჟის" გენერალური დირექტორი; აქტიურად მონაწილეობდა მნიშვნელოვანი ობიექტების მშენებლობაში, რომელთა შორისაა ონის რაიონული საავადმყოფოს კომპლექსი, კვაისისა და ტყიბულის შახტები, მადნეულის სამთო გამამდიდრებელი კომბინატი და სხვა; არის წარმოებაში დანერგილი არაერთი გამოგონებისა და რაციონალიზატორული წინადადების ავტორი; მიღებული აქვს სსრკ მშენებლობის სამინისტროს, პროფკავშირის ცენტრალური კომიტეტის პრეზიდიუმისა და სსრკ უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.735; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 333-334