ვახტანგ ჯანაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიუტტის სამშენებლო ფაკულტეტი 1960 წელს.

1966-1974წწ. შრომითი საქმიანობა დაიწყო საპროექტო ინსტიტუტ "გიპრომეზში"; მუშაობდა საქართველოს ჯანდაცვის სამინისტროს კაპიტალური მშენებლობის განყოფილებაში მთავარ ინჟინრად, განყოფილების უფროსად; 1974-1982წწ. ხელმძღვანელობდა სამედიცინო ობიექტების საპროექტო ორგანიზაცია "მედპროექტს"; 1982-1997წწ. გაერთიანების შემდეგ "მედკომპლექსს"; სამშენებლო კომპანია "ბლოკჯორჯიას"; აქტიურად მონაწილეობდა ზესტაფონის ფეროშენადნობთა ქარხნის რეკონსტრუქციის პროექტირებაში, ცხინვალის სოფლების თამარაშენისა და ხეითის სკოლების, ფარმაცევტული ქარხანა "ლეჩივას", დევნილთა დასახლებების (გორსა და სამეგრელოში) მშენებლობაში, ქუთაისის ეროვნული სამედიცინო ცენტრის, ზუგდიდის საავადმყოფოს, გორის სამხედრო ჰოსპიტლის და სხვა სამკურნალო დაწესებულებების რეკონსტრუირებაში; არის სამშენებლო მოედანზე მოცულობითი ბლოკების დამზადების ახალი ტექნოლოგიის დამუშავება-დანერგვის (შ. ლომიძესთან ერთად), 4 სამეცნიერო პუბლიკაციისა და ჯანდაცვის ობიექტების პროექტირება-ექსპლუატირების საკითხებთან დაკავშირებული ნორმატიული დოკუმენტების დამუშავების ავტორი; ხელმძღვანელობდა თბილისის რესპულიკური საავადმყოფოსა და ონკოლოგიური კლინიკის, 38 რაიონული საავადმყოფოს, კულიაბის რაიცენტრის (ტაჯიკეთში), გურჯაანის, მარნეულისა და ფასანაურის საავადმყოფოების, ადმინისტრაციული შენობების ახალი მეთოდით დაპროექტებასა და მშენებლობას.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.736