გიორგი ჯანბერიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1972 წელს; 1980-1984წწ. სწავლობდა იმავე ინსტიტუტის ასპირანტურაში.

1972-1976წწ. მუშაობდა საპროექტო ინსტიტუტ "თბილქალაქპროექტში" არქიტექტორად; 1977-1983წწ. საქართველოს სამხატვრო ფონდში დიზაინერად; 1979-1991წწ. ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში არქიტექტურის კათედრაზე; 1997-2001წწ. იყო თბილისის ხელოვნებათმცოდნეობის ინსტიტუტის რექტორი; 1995-2004წწ. თბილისის თანამედროვე ხელოვნების გალერეის დირექტორი; 2007-2008წწ. კულტურის საერთაშორისო ცენტრ "მუზას" გენერალური დირექტორი; 2012 წლიდან "ბათუმი არტის" დირექტორი; ავტორია არქიტექტურული პროექტის: ენერგოსისტემების გამოთვლითი ცენტრის შენობა (თბილისში გაგარინის ქუჩაზე, ს. კაციტაძესთან ერთად), მონუმენტურ-დეკორატიული ხელოვნების ნაწარმოების "ბერიკაობა" (ბარათაშვილის ქუჩაზე, მოქანდაკე ა. მონასელიძესთან ერთად), სამეცნიერო ნაშრომების, სტატიებისა და მეთოდური მითითებების "თანამედროვე ქალაქის სტრუქტურაში ისტორიული განაშენიანების რეკონსტრუქცია", "დიდი ქალაქების დაგეგმარება"; გამოქვეყნებული აქვს ნაშრომები ქართული სახვითი ხელოვნებისა და არქიტექტურის საკითხებზე, 1985-2015წწ. ორგანიზებული აქვს 500-მდე გამოფენა საქართველოში და საზღვარგარეთ; დაიცვა საკანდიდატო დისერტაცია 1984 წელს; დოქტორანტურა იტალიაში, რომის უნივერსიტეტში (1975).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.738

• საქართველოს მხატვართა კავშირი, თავმჯდომარე (2002-2010)

• აჭარის სახვითი ხელოვნება = Fine art of Ajara : ფერწერა და გრაფიკა, ქანდაკება და დეკორატიული ხელოვნება : ალბომი (ავტორი). - ბათუმი, შპს "სეზანი", 2014. - 168 გვ.
• ქანდაკების საერთაშორისო პლენერი = International sculpture symposium : კატალოგი (ავტორი). - ბათუმი, შპს "სეზანი", 2011. - 56 გვ.