ელგუჯა ჯანელიძე

დაბადების ადგილი: ქ. თბილისი.

დაამთავრა თბილისის ტოპოგრაფიული ტექნიკუმი 1960 წელს; ლენინგრადის საინჟინრო-სამშენებლო ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1977 წელს.

1960-1967წწ. შრომითი საქმიანობა დაიწყო 1960 წელს სამშენებლო-საწარმოო ტრესტ "საქჰიდროენერგომშენის" სისტემაში: "ხრამჰეს-II"-სა და "ენგურჰესის" მშენებლობებზე მარკშეიდერად (1960-1967); 1967-1983წწ. საქართველოს მშენებლობის სამინისტროს სამშენებლო გაერთიანება "მთავართბილმშენის" N14 სამშენებლო ტრესტში, ასევე N1 სახლსაშენ კომბინატში ინჟინრად, უფროს ინჟინრად, განყოფილების უფროსად, მშენებლობის სამინისტროს აპარატში ტექნიკური სამმართველოს უფროსის მოადგილედ; 1983-1985წწ. ხელმძღვანელობდა საქართველოს მშენებლობის სამინისტროს N2 სამშენებლო ტრესტის N8 სამშენებლო სამმართველოს და 1985-1990წწ. სამშენებლო გაერთიანება "მთავართბილმშენის" ტექნიკურ სამსახურს; 1990 წელს, მიწისძვრის შედეგთა სალიკვიდაციოდ, მივლინებული იყო სომხეთის რესპუბლიკაში; მუშაობდა სამშენებლო ტრესტ "საქსომხეთმშენში" მთავარ მშენებლად (ტრესტის მმართველის მოადგილედ); 1992 წლიდან იყო რესპუბლიკური გაერთიანება "ტაძარმშენის" მთავარი ინჟინერი; შპს "ტაძარმშენის" დირექტორი; მისი მონაწილეობითა და ხელმძღვანელობით აშენდა "ენგურჰესის" სადერივაციო გვირაბი, საცხოვრებელი სახლები, სკოლები, საბავშვო დაწესებულებები, საწარმოო და საინჟინრო-ლაბორატორიული კორპუსები, N8 პურის ქარხანა, საცურაო კომპლექსები, ეკლესიები ტაბახმელაში, მუხიანის დასახლებაში, სამხედრო ნაწილში; აქტიურად იყო ჩართული საქართველოს პარლამენტის შენობის აღდგენა-რეკონსტრუქციაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.740; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.61

• 1999 - ღირსების მედალი
  1988 წელს სომხეთის რესპუბლიკაში მომხდარი მიწისძვრის შედეგების ლიკვიდაციისას გამოჩენილი მაღალი პროფესიონალიზმისათვის, ტაშირის რაიონში საცხოვრებელი კომპლექსისა და მისი სოციალური ინფრასტრუქტურის ობიექტების მშენებლობაში შეტანილი პირადი წვლილისათვის