გოგი გოლეთიანი

დაბადების ადგილი: სოფელი ნაკურალეში, ცაგერის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1966 წელს.

1966-1967 წწ. იყო ზერენდის (ყაზახეთი) საავადმყოფოს ექიმი-ქირურგი; 1967-1969 წწ. ზერენდის რაიონული საავადმყოფოს ქირურგიული განყოფილების გამგე; 1969-1973 წწ.  თბილისის სახ. სამედიცინო ინსტიტუტის ზოგადი ქირურგიის კათედრის ასპირანტი, მივლინებულ იქნა მოსკოვში საკავშირო ქირურგიის ინსტიტუტში, სისხლძარღვოვანი ქირურგიის განყოფილებაში; 1973-1981 წწ. თბილისის ქირურგიის ინსტიტუტის ნეიროქირურგიული განყოფილების მეცნიერ-მუშაკი; 1981-1983 წწ. ქალაქის N1 კლინიკური საავადმყოფოს ნეიროქირურგიული განყოფილების გამგე; 1983-1985 წწ. ტრამვატოლოგიისა და ორთოპედიის რესპუბლიკური ცენტრის ექიმი-ნეიროქირურგი; 1985-1987 წწ. რესპუბლიკის ცენტრალური კლინიკური საავადმყოფოს ექიმი-ნეიროქირურგი; 1987-2009 წწ. აკადემიკოს პ. სარაჯიშვილის სახ. ნევროლოგიის ინსტიტუტის საოპერაციო განყოფილების გამგე; 2009 წლიდან მაღალი სამედიცინო ტექნოლოგიების ცენტრის საუნივერსიტეტო კლინიკის ექიმი-ნეიროქირურგი; მონაწილეობდა აფხაზეთისა და სამაჩაბლოში ტერიტორიული მთლიანობისთვის ბრძოლაში; აქვს 16 სამეცნიერო ნაშრომი. ასევე იყო "სანავიაციის" ექიმი-კონსულტანტი დაარსების დღიდან. უმაღლესი კატეგორიის ექიმი ნეიროქირურგი. ომისა და სამხედრო ძალების ვეტერანი.

წყარო: გიორგი გოლეთიანის მიერ მოწოდებული ბიოგრაფიული მონაცემები.

• ომის ვეტერანთა კავშირი, წევრი (1993-)