ჯუმბერ რუსიაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1972 წელს; საქართველოს მეცნიერებათა აკადემიის სახელმწიფოსა და სამართლის ინსტიტუტის ასპირანტურა 1976 წელს.

1976-1981 წწ. მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტში მეცნიერ-მუშაკად; 1981-1983 წწ. მუშაობდა საქართველოს სსრ უმაღლეს სასამართლოში კონსულტანტად, უფროს კონსულტანტად; 1982-1984 წწ. ეწეოდა პედაგოგიურ საქმიანობას თბილისის სახელმწიფო უნივერსიტეტის იურიდიულ ფაკულტეტზე; 1991-1999 წწ. იყო თბილისის საქალაქო სასამართლოს მოსამართლე;  1999-2001 წწ. მუშაობდა საქართველოს უზენაესი სასამართლოს განზოგადების განყოფილების სექტორის გამგედ; 2001-2005 წწ. იყო თბილისის საოლქო სასამართლოს მოსამართლე; 2005 წლიდან თბილისის სააპელაციო სასამართლოს მოსამართლე; არის სამეცნიერო სტატიების ავტორი, თანაავტორი ნაშრომებისა: "სამოქალაქო სამართლებრივი ნორმა და მისი შეფარდება" (1977), "საქართველოს ადმინისტრაციული საპროცესო კოდექსის კომენტარი" (2000).

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.401; თბილისის სააპელაციო სასამართლოს ვებგვერდი: oldtbappeal.court.ge

• საქართველოს სსრ უმაღლესი სასამართლო, წევრი (1983-1991)

• ადმინისტრაციული დავების განსჯადობის პრობლემები : რედ. მაია ეჯიბია ; წინათქმა გია ხუბუა (ავტორი) // ტ. 1. - თბილისი, უნ-ტის გამ-ბა, 2014. - 586გვ.. - ISBN: 978-9941-13-384-8
• ადმინისტრაციული ორგანოების მიერ ზიანის ანაზღაურება (ავტორი). - თბილისი, მერიდიანი, 2013. - 526გვ.. - ISBN: 978-9941-10-727-6
• საქართველოს ადმინისტრაციული საპროცესო კოდექსის კომენტარი (ავტორი). - თბილისი, სამართალი, 2000. - 112გვ.