გივი დუჩიძე

დაბადების ადგილი: სოფელი მანავი, საგარეჯოს რაიონი.

დაამთავრა საქართველოს ზოოტექნიკურ–სავეტერინარო ინსტიტუტი.

მუშაობა დაიწყო მანავის კოლმეურნეობაში; შემდეგ დაინიშნა საგარეჯოს საბჭოთა მეურნეობის დირექტორად. 1962 წლიდან იყო სხვადსხვა ხელმძღვანელ სამუშაოზე: საგარეჯოს რაიონის აღმასკომის თავმჯდომარედ; საქართველოს კვების მრეწველობის მინისტრის მოადგილედ; 1970-1976 წწ. საქართველოს ხორცისა და რძის მრეწველობის მინისტრი, საქართველოს მთავრობის წევრი, საქართველოს უმაღლესი საბჭოს დეპუტატი; 1977-1990 წწ. მუშაობდა საკავშირო ხორცისა და რძის მრეწველობის სამეცნიერო-კვლევითი ინსტიტუტის საქართველოს ფილიალის დირექტორად; გაერთიანება "საქფრინველმრეწვის" გამარჯვების მეფრინველეობის ფაბრიკის დირექტორად; პატარძეულის საბჭოთა მეურნეობის დირექტორად; იყო ერთადერთი თანამდებობის პირი, რომელმაც წინააღმდეგობა გაუწია და დაუსაბუთა სკკპ ცკ-ს პირველ მდივანს ნ. ხრუშოვს, კახეთში ვაზის ნაცვლად სიმინდის კულტურის გაშენების მიზანშეუწონლობა. საქართველოს აგროსამრეწველო კომპლექსის განვითარებაში მისი წვლილი აღნიშნულია საქართველოს უმაღლესი საბჭოს პრეზიდიუმის სიგელებით, სახელმწიფო ორდენებითა და მედლებით. პერსონალური პენსიონერი (1990), ვეტერინარიის მეცნიერებათა კანდიდატი, ვეტერინარი ექიმი. 

• საქართველოს მე-8 მოწვევის უმაღლესი საბჭო, დეპუტატი

• საქართველოს დამსახურებული ექიმი (ვეტერინარი)