რობინზონ ლომიძე

დაბადების ადგილი: სოფელი აბისი, ქარელის რაიონი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი ლითონთა წნევით დამუშავების სპეციალობით 1970 წელს.

1970-1971 წლებში მუშაობდა ქუთაისის საავტომობილო ქარხნის ინჟინერ-ტექნოლოგად, 1974-1980 წლებში - რუსთავის მეტალურგიულ ქარხანაში მგლინავად, გლინვის ოსტატად, 1981-1987 წლებში - მილგასაგლინავი საამქროს უფროსის მოადგილედ, 1987-1996 წლებში - ამავე საამქროს უფროსად, 1996-1999 წლებში - რუსთავის მეტალურგიული კომბინატის ტექნიკურ დირექტორად, 1999-2005 წლებში - კვლავ მილგასაგლინავი საამქროს უფროსად, 2005 წლიდან - რუსთავის მეტალურგიული კომბინატის გენერალურ დირექტორად. მიღებული აქვს საქართველოს უმაღლესი საბჭოს პრეზიდიუმის საპატიო სიგელი (1982). მეტალურგი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.115; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.197; საქართველო: ენციკლოპედია: ტ.5. -თბ.,2023. -გვ.421

• 2002 - ქალაქ რუსთავის საპატიო მოქალაქე
• 2001 - ღირსების ორდენი
• 1998 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1996-1997 წლებში შესრულებული სამუშაოსათვის - "426 მმ-იანი დიამეტრის უნაკერო მილების გლინვის ტექნოლოგიის შემუშავება და წარმოებაში დანერგვა"
• 1978 - საქართველოს კომკავშირის პრემია