ნოდარ მაისურაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი შავი ლითონების მეტალურგიის სპეციალობით 1958 წელს.

1958 წწ. მუშაობა დაიწყო რუსთავის მეტალურგიულ კომბინატში აგლოსაბრძმედე საამქროს მუშად; 1961-1962 წწ. იყო ამავე საამქროს მოწყობილობის შეკეთების ოსტატი; 1963-1964 წწ. საამქროს მექანიკოსი, 1965 წლიდან გადაყვანილ იქნა საამქროს უფროსის მოადგილედ მოწყობილობის დარგში, 1966 წლიდან - რუსთავის მეტალურგიული ქარხნის მთავარი მექანიკოსის მოადგილედ მეტალურგიული მოწყობილობის დარგში; 1968-1970 წწ. საბჭოთა კავშირის შავი ლითონების მრეწველობის სამინისტროს მიერ მივლინებულ იქნა ინდოეთის ბლიხაის მეტალურგიულ კომბინატში უფროს ინჟინერ-მექანიკოსად; მივლინებიდან დაბრუნების შემდეგ მუშაობა განაგრძო რუსთავის მეტალურგიული ქარხნის მთავარი მექანიკოსის მოადგილედ. 1971-1992 წწ. იყო ამიერკავკასიის "ცენტრბრმძმედრემონტის" სპეციალიზებული სამმართველოს უფროსი. ამ პერიოდში იგი რამდენჯერმე მიავლინეს იუგოსლავიაში, სმედეროვის მეტალურგიულ კომბინატში ტექნიკური დახმარების გასაწევად; 1982-1985 წწ. იგი მიავლინეს ალჟირში, ელ ხაჯირის მეტალურგიულ კომბინატში მთავარ ინჟინერ-კონსულტანტად. მივლინებიდან დაბრუნების შემდეგ, 1993 წელს, დაინიშნა რუსთავის მეტალურგიული კომბინატის  სპეციალიზებულ ტრესტ "მეტალურგის" მმართველად. 1996-2004 წწ. იყო რუსთავის მეტალურგიის კომბინატის გენერალური დირექტორის მოადგილე მოწყობილობის დარგში. მეტალურგი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.115; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია:  georgianencyclopedia.ge; საქართველო: ენციკლოპედია: ტ.5. -თბ.,2023. -გვ.469

• 1998 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1996-1997 წლებში შესრულებული სამუშაოსათვის: "426 მმ-იანი დიამეტრის უნაკერო მილების გლინვის ტექნოლოგიის შემუშავება და წარმოებაში დანერგვა"
• 1989 - ხალხთა მეგობრობის ორდენი
• 1982 - შრომის წითელი დროშის ორდენი
• 1976 - საპატიო ნიშნის ორდენი
• საქართველოს დამსახურებული ინჟინერი