გიორგი ჯაფარიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1954 წელს.

1955-1970წწ. მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტში უმცროს და უფროს მეცნიერ თანამშრომლად; 1970-1976წწ. ეწეოდა პედაგოგიურ მოღვაწეობას საქართველოს პოლიტექნიკური ინსტიტუტის სამშენებლო ფაკულტეტზე; იყო დოცენტის, პროფესორის თანამდებობაზე, კათედრის გამგის მოადგილე; 1976-1996წწ. სამშენებლო ფაკულტეტის დეკანის მოადგილე, სასწავლო ნაწილის უფროსი; 2009 წლიდან სამშენებლო კონსტრუქციების კათედრაზე მოწვეული სრული პროფესორი; 2009 წლიდან თბილისის სამხატვრო აკადემიის არქიტექტურის ფაკულტეტის სრული პროფესორია; წლების განმავლობაში კითხულობდა ლექციებს თბილისის სახელმწიფო უნივერსიტეტის ეკონომიკის ფაკულტეტსა და თბილისის პოლიტექნიკურ კოლეჯში; არის ტექნიკის მეცნიერებათა კანდიდატი; 40-ზე მეტი სამეცნიერო ნაშრომის, 4 სახელმძღვანელოსა და მეთოდური მითითების ავტორი, სამშენებლო ნორმებისა და წესების "ბეტონისა და რკინაბეტონის კონსტრუქციები" (პნ 03.01-09) ერთ-ერთი შემდგენელი; წლების განმავლობაში მუშაობდა საქართველოს მშენებელთა სამეცნიერო-ტექნიკური საზოგადოების პრეზიდიუმსა და სივრცითი კონსტრუქციების სწავლების საკავშირო საბჭოს საქართველოს სექციაში; იყო საქართველოს მშენებლობის საქმეთა სახელმწიფო კომიტეტის ("სახმშენის") ექსპერტი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.743