თეიმურაზ ჯაფარიძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტი ხიდებისა და გვირაბების მშენებლობის სპეციალობით 1948 წელს.

1950-1957წწ. მუშაობდა ქ. ონის საქალაქო საბჭოს აღმასკომის თავმჯდომარედ და ონის რკინაბეტონის ხიდის მშენებლობის ინჟინრად; 1957 წლიდან იყო საქართველოს ადგილობრივი მრეწველობის სამინისტროს ენერგეტიკისა და მთავარი მექანიკოსის განყოფილების უფროსი; 1970-1972წწ. მუშაბდა საქართველოს კომუნალური მეურნეობის სამინისტროს კაპიტალური მშენებლობის სამმართველოს უფროსად; 1972 წლიდან კი საქართველოს საბინაო-კომუნალური მეურნეობის სამინისტროს საბინაო მეურნეობის მთავარი სამმართველოს უფროსად; 1993 წლიდან მუშაობდა საქართველოს ურბანიზაციისა და მშენებლობის სამინისტროს საბინაო კომუნალური მეურნეობისა და ტექნიკური ინვენტარიზაციის სამმართველოს უფროსად; იყო სპორტის ოსტატი სპორტულ ტანვარჯიშში და 1950 წლამდე იყო საქართველოს ტანმოვარჯიშეთა ნაკრების წევრი; 1948-1957წწ. მუშაობდა ტანმოვარჯიშეთა გუნდის მწვრთნელად. მიღებულლი აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.745

• საქართველოს ტანმოვარჯიშეთა ნაკრები, წევრი

• ღირსების ორდენი (2 ორდენი)