მიხეილ ჯაჯანიძე

თბილისის სახელმწიფო უნივერსიტეტის სხვა წარჩინებულ სტუდენტებთან ერთად, სასწავლებლად გაიგზავნა გერმანიაში ქ. ჰანოვერში 1920 წელს; დაამთავრა ბერლინის პოლიტექნიკური ინსტიტუტი ჰიდროტექნიკურ ნაგებობათა სპეციალობით 1930 წელს.

მუშაობდა გერმანიაში, ავტომატურად მართვად "ვალჰენზეჰესსა" და "შვარცბაჰტალშპრეესშლუსზე" სტაჟიორად; 1930-1936წწ. საქართველოში ჩამოსვლის შემდეგ დაინიშნა "აწჰესის" მშენებლობაზე მთავარ ინჟინრად, მშენებლობის უფროსის მოადგილედ; 1936 წელს დაინიშნა "ხრამჰეს-I"-ის მშენებლობის მთავარ ინჟინრად; 1937 წელს იყო რეპრესირებული; 1956 წელს რეაბილიტირებულ იქნა სსრკ მთავრობის დადგენილებით; გამოცემულია მისი რამდენიმე სამეცნიერო გამოკვლევა და მონოგრაფია, რომლების ენერგეტიკული მშენებლობის სფეროში მნიშვნელოვანია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.747