ლოვარდ ჯვარშეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი რკინიგზის სატრანსპორტო ნაგებობების მშენებლობის სპეციალობით 1960 წელს.

მუშაობდა ამიერკავკასიის რკინიგზის სამმართველოს სისტემაში; იყო N1 სამშენებლო სამმართველოს მშენებელი ოსტატი, უფროსი სამუშაოთა მწარმოებელი, სამშენებლო უბნისა და სამმართველოს რკინიგზის სამმართველოს კაპიტალური მშენებლობის განყოფილების უფროსი; ხელმძღვანელობდა თბილისში, საგარეჯოსა და რუსთავში საცხოვრებელი სახლების, თბილისში რკინაბეტონის ქარხნის, "თბილისი-გურჯაანის" მონაკვეთზე ელექტრიფიკაციის ხაზის მშენებლობას; მონაწილეობდა "მარაბდა-ახალქალაქის" ახალი რკინიგზის ხაზის, თბილისის სამგზავრო ვაგზლის შენობის, ბორჯომის სამგზავრო ვაგზლის, "შორაპან-ძირულასა" და "მარელისი-ხარაგაულის" გადასარბენის, მდ. ნატანებსა და მდ. ხრამზე - სარკინიგზო ხიდების, მდ. ძირულაზე ორლიანდაგიანი ხიდის მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.748