გიორგი ჯინჯოლია

დაბადების ადგილი: სოფელი ოქტომბერი, ზუგდიდის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1949 წელს.

მუშაობდა ქ. დნეპროპეტროვსკის სამგზავრო ვაგზლისა და მდინარე ორიარუსიანი, გიგანტური თაღოვანი რკინაბეტონის ხიდის (ქ. ზაპოროჟიესთან) მშენებლობაზე; სარკინიგზო ჯარებში სამსახურის დროს (დასავლეთ უკრაინაში) ხელმძღვანელობდა სარკინიგზო ხაზების და რიგი სამოქალაქო, თუ თავდაცვითი ობიექტების მშენებლობას; მუშაობდა სასაზღვრო ჯარების საპროექტო ორგანიზაციაში, საქართველოს სახელმწიფო საგეგმო კომიტეტსა და საქართველოს მშენებლობის საქმეთა სახელმწიფო კომიტეტში უფროს ინჟინრად, მთავარ სპეციალისტად, განყოფილების უფროსად, კომიტეტის კოლეგიის წევრად და სამეცნიერო-ტექნიკური საბჭოს წევრად; სახელმწიფო კომიტეტისა და მშენებლობის სამინისტროს გაერთიანების შემდეგ იყო საქართველოს არქიტექტურისა და მშენებლობის სამინისტროს გამომცემლობა "ხუროთმოძღვრება და მშენებლობის" დირექტორი და ამასთანავე ურბანიზაციისა და მშენებლობის სამინისტროს პრესცენტრის ხელმძღვანელი; არის 20-მდე სამშენებლო ნორმისა და წესის, ასევე რამდენიმე სამეცნიერო-ტექნიკური წიგნის ავტორი; მიღებული ჰქონდა სახელმწიფო ჯილდოები და საუწყებო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.750

• აზროვნება სამი ფორმით (ავტორი). - თბილისი, საქართველო, 1993. - 64გვ.
• მშენებელთა ქვეყანა (ავტორი). - თბილისი, საქართველო, 1992. - 68გვ.