ვლადიმერ იმნაძე

დაამთავრა თბილისის უმაღლესი სამეთაურო საარტილერიო სასწავლებელი 1976 წელს; უმაღლესი საარტილერიო აკადემია 1986 წელს; სტრატეგიულ სწავლებათა და თავდაცვითი ეკონომიკის კოლეჯი უსაფრთხოების კვლევათა ჯ. მარშალის სახელობის ევროპული ცენტრი 2001 წელს.

1976-1977 წწ. იყო საარტილერიო ბატარეის მართვის ოცეულის მეთაური; 1977-1979 წწ. თვითმავალი საარტილერიო დივიზიონის დაზვერვის უფროსი; 1979-1980 წწ. თვითმავალი საარტილერიო ბატარეის მეთაური; 1980-1983 წწ. თვითმავალი საარტილერიო დივიზიონის შტაბის უფროსი; 1983-1986 წწ. უმაღლესი სამხედრო საარტილერიო აკადემიის მსმენელი; 1986-1987 წწ. ცალკეული ტანკსაწინააღმდეგო დივიზიონის მეთაური; 1987-1990 წწ. თვითმავალი საარტილერიო პოლკის შტაბის უფროსი; 1990-1991 წწ. საქართველოს სამოქალაქო თავდაცვა; 1991-1992 წწ. დაზვერვისა და ეროვნული უშიშროების სამმართველოს საჯარისო დაზვერვის განყოფილების უფროსი; 1992-1993 წწ. საქართველოს შინაგანი ჯარების სარდლის განსაკუთრებულ დავალებათა შემსრულებელი; 1993-1996 წწ. გენერალური შტაბის მთავარი ოპერატიული სამმართველოს უფროსის მოადგილე; 1996-1998 წწ. საქართველოს თავდაცვის სამინისტროს გენერალური შტაბის მთავარი ოპერატიული სამმართველოს უფროსი; 1998-1999 წწ. სახმელეთო ჯარების შტაბის უფროსი; 1999-2000 წწ. გენერალური შტაბის საბრძოლო მომზადების მთავარი სამმართველოს უფროსის მოადგილე; 2000-2001 წწ. დასავლეთის ოპერატიული მიმართულების სარდლის პირველი მოადგილე; 2001-2002 წწ. სახმელეთო ჯარების შტაბის უფროსი; 2002 წელს სახმელეთო ჯარების სარდალი; 2002-2003 წწ. გენერალური შტაბის ოპერატიული დეპარტამენტის უფროსი; 2003 წელს გენერალური შტაბის უფროსის მოვალეობის შემსრულებელი; 2004 წელს საქართველოს გენერალური შტაბის პირადი შემადგენლობისა და სამობილიზაციო დეპარტამენტის უფროსი; 2004-2005 წწ. საქართველოს შინაგანი ჯარების სარდლის პირველი მოადგილე; 2005 წლიდან თადარიგშია; 2013-2016 წწ. სსიპ "დელტას" კონსულტანტის ასისტენტი; 2016 წელს სსიპპ ვეტერანების საქმეთა სახელმწიფო სამსახურის ადმინისტ რაციული დეპარტამენტის უფროსი; 2016 წლიდან სსიპ ვეტერანების საქმეთა სახელმწიფო სამსახურის დირექტორი. გენერალი. მიღებული აქვს "სამშობლოს ერთგულებისა და თავდადების I ხარისხის ნიშანი".

წყარო: ვეტერანების საქმეთა სახელმწიფო სამსახური: facebook.com; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.170

• 1997 - მედალი "საბრძოლო დამსახურებისთვის"
• 1993 - მედალი "მხედრული მამაცობისთვის"
• ვახტანგ გორგასლის III ხარისხის ორდენი