ნუგზარ ჯიქია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1954-1955 წწ. მუშაობდა სამშენებლო-სამონტაჟო ტრესტ "საქჩაიმშენმონტაჟის" ქუთაისის სამშენებლო-სამონტაჟო უბნის სამუშაოთა მწარმოებლად; 1955-1962 წწ. საქართველოს მშენებლობის სამინისტროს N4 სამშენებლო ტრესტის N4 სამშენებლო სამმართველოს უფროს სამუშაოთა მწარმოებლად; N3 სამშენებლო სამმართველოს მთავარ ინჟინრად; 1962-1971 წწ. იყო საქართველოს მშენებლობის სამინისტროს ტრესტ "სპეცმშენმექანიზაციის" ქუთაისის მექანიზაციის სამმართველოს უფროსი; 1971-1975 წწ. საქართველოს მშენებლობის სამინისტროს N4 სამშენებლო ტრესტის მმართველი; 1975-1985 წწ. საქართველოს საშენ მასალათა მრეწველობის სამინისტროს საწარმოო ტრესტ "საქმარმარილოს" ქვის დამამუშავებელი ქარხნის დირექტორი; 1986-1987 წწ. სამშენებლო ტრესტ "საქკოოპმშენის" ქუთაისის მოძრავ-მექანიზებული კოლონის უფროსი; 1987-1995 წწ. N4 სამშენებლო ტრესტის საბინაო-კომუნალური კანტორის უფროსი; მონაწილეობდა კვების მრეწველობის ობიექტების, ქუთაისის წისქვილკომბინატისა და რეზინის გადამამუშავებელი ქარხნის მშენებლობაში, ფაიფურის წარმოებისა (ზუგდიდში) და მრავალი სოციალურ-კულტურული დანიშნულების ობიექტის მშენებლობაში; იყო სხვადასხვა სახელმწიფო ჯილდოს მფლობელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.754

• საქართველოს დამსახურებული მშენებელი