ავთანდილ ცოტნიაშვილი

დაბადების ადგილი: სოფელი ერედვი, ცხინვალის რაიონი.

დაამთავრა სამხრეთ ოსეთის პედაგოგიური ინსტიტუტი (შემდგომში ცხინვალის უნივერსიტეტი); სხვადასხვა დროს სწავლობდა მოსკოვის ლომონოსოვის სახელობის უნივერსიტეტში, გაიარა ასპირანტურის კურსი შოთა რუსთაველის სახლობის ლიტერატურის ინსტიტუტში.
მუშაობდა საქართვლოს კომკავშირის ცენტრალურ კომიტეტში სხვადასხვა პოზიციაზე, ივ. ჯავახიშვილის სახელობის თბილისის სახელმწიფო უნივერსიტეტის მოწვეულ პროფესორად, ცხინვალის სახელმწიფო უნივერსიტეტის დოცენტად, პროფესორად (1975-1998) და სხვა. აქტიურად თანამშრომლობდა ქართულ, ოსურ და რუსულ პერიოდულ გამოცემებთან და ინტენსიურად ბეჭდავდა სამეცნიერო-პუბლიცისტურ წერილებს, სამხერთ ოსეთის საოლქო რადიოს ხშირი რესპონდენტის რანგში აშუქებდა საკუთარი კვლევის შედეგებს. გამორჩეული ორატორი ხშირად გამოხატავდა საკუთარ პატრიოტულ პოზიციას საზოგადოებრივ ღონისძიებებზე, მათ შორისაა რუსთაველის საზოგადოების ყრილობაზე (ფილარმონია) მისი გამოსვლა გართულებული ქართულ-ოსური ურთიერთობების ფონზე. ცხოვრების დიდი ნაწილი მიუძღვნა ქართული ფოლკლორისა და ლიტერატურის, ქართულ-ოსური ურთიერთობების მიმართულებებით კვლევით საქმიანობას. მისი პუბლიცისტური მოღვაწეობის ძირითადი ნაწილი მიეძღვნა ქართულ-ოსურ ლიტერატურულ ურთიერთობებს, რაც გადმოცემულია მის სადისერტაციო ნაშრომსა და წიგნებში. პროფესორი, ლიტერატურის კრიტიკოსი.

• მე-19 საუკუნის დასასრულისა და მე-20 საუკუნის დასაწყისის ქართული პერიოდიკა ქართულ-ოსური ურთიერთობის შესახებ (ავტორი). - ცხინვალი, ირისთონი, 1990. - 118გვ.
• ქართულ-ოსური ლიტერატურული ურთიერთობის ისტორიიდან : მე-19 ს. შუა წლებიდან დღემდე (ავტორი). - ცხინვალი, სამხრეთ ოსეთის წიგნის გამ-ბა, 1968. - 230გვ.
• ქართულ-ოსური ლიტერატურული ურთიერთობის შესახებ (ავტორი). - თბილისი, საბჭ. საქართველო, 1966. - 29გვ.