იოსებ მღვდელი

ამერიძე, იოსებ მღვდელი, იგივე ქეშიშ დარდი-მანდი (XVIII-XIX სს.) იყო მოლექსე-მოძღვარი და მსახიობი. მონაწილეობდა ერეკლე II-ის დროის თეატრში, როგორც მსახიობი. წერდა ლექსებსაც და მღეროდა კიდეც, მღვდელმთავარი უშლიდა. ამის გამო იოსებ ამერიძეს მღვდელმთავართან ლექსებით პოლემიკაც ჰქონდა. სხვათა შორის, დოსითეოს ეპისკოპოსს ერთ ლექსზე პასუხი ლექსითვე გასცა: "დოსითეოს არქიერი ბელოსა,/ვინ იქნება იმას დაეტოლოსა,/...მე დამიშლის შესვლას პალატასა,/თვით კი მუდამ მოივლის ავლაბარსა" (პალატას ძველად თეატრს უწოდებდნენ).

წყარო:ქართველ მოღვაწეთა ლექსიკონი:1801-1952: ტ.I .-თბ.,2018.-გვ.137; ფსევდონიმების ლექსიკონი: nplg.gov.ge