დათიკო ამირეჯიბი

დავით (დათიკო) პეტრეს ძე ამირეჯიბი XIX საუკუნის 80-იან წლებში, მუდმივი დასის შექმნის დროს გიორგი გიორგობიანის ("გრეგუარის", შემდეგში ი. ნ. მხეიძის) საპარიკმახეროში მუშაობდა. მუდმივ დასს პროვინციაში გამგზავრებისას დავით ამირეჯიბი მეპარიკედ გაჰყვა და თავისი ხელობით დასის წარმატებას ხელი შეუწყო. იგი ხელობის გასაუმჯობესებლად საზღვარგარეთ წავიდა. მან პირველმა შემოიტანა არტისტი ქალებისათვის თმის ტალღისებური დახუჭუჭება ("ონდოლასიან"). გასაბჭოების შემდეგ ოპერის თეატრში მუშაობდა. ქართული სცენის ერთ-ერთი ამაგდარი მუშაკი, არტისტი, მეპარიკე.

წყარო:ქართველ მოღვაწეთა ლექსიკონი:1801-1952: ტ.I .-თბ.,2018.-გვ.142