მიხეილ ჯიღაური

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ჰიდროტექნიკურ ნაგებობათა მშენებლობის სპეციალობით 1955 წელს.

1957-1966წწ. მუშაობდა საქართველოს მეცნიერებათა აკადემიის ენერგეტიკისა და ჰიდროტექნიკურ ნაგებობათა ს/კ ინსტიტუტში მეცნიერ-მუშაკად, უფროს ინჟინრად; "ენგურჰესის" მშენებლობაზე ტექნიკური განყოფილების უფროსად, მთავარი ინჟინრის მოადგილედ; 1966-1976წწ. იყო საქართველოს მშენებლობის სამინისტროს ტრესტ "ორგტექმშენისა" და საქართველოს კვების მრეწველობის სამინისტროს სამშენებლო ტრესტ "საქკვებმშენის" მთავარი ინჟინერი; 1976 წლიდან იყო საქართველოს მინისტრთა საბჭოსთან არსებული სამშენებლო გაერთიანება "საქმთავარწყალმშენის" ტრესტ "ალაზანმშენის" მმართველი; მონაწილეობდა "ენგურჰესისა" და ზემო ალაზნის სარწყავი სისტემის მშენებლობაში; მისი არაერთი კვლევის შედეგი წარმოებაშია დანერგილი; ტექნიკის მეცნიერებათა კანდიდატი. მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.755

• საქართველოს დამსახურებული ინჟინერი