გენო ჯობავა

დაბადების ადგილი: სოფელი რეჩხოცხირი, გალის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1963 წელს.

ინსტიტუტის დამთავრების შემდეგ, განაწილებით მუშაობდა სამხედრო ნაწილში N29/39 კაპიტალური მშენებლობის ინსპექტორად; 1965-1978წწ. მუშაობდა "ენგურჰესის" კასკადის მშენებლოლბაზე ვარდნილჰესების მშენებლობის სამშენებლო სამმართველოს სამუშაოთა მწარმოებლად, სამოქალაქო მშენებლობის სამმართველოს უფროს სამუშაოთა მწარმოებლად, "ენგურჰესის" ძალოვანი კვანძის მშენებლობის სამშენებლო სამმართველოს სამეურნეო უბნის უფროსად; 1978 წელს გადაყვანილ იქნა საქართველოს მინისტრთა საბჭოსთან არსებული სამშენებლო გაერთიანება "საქმთავარწყალმშენის" სამშენებლო ტრესტ "კოლხეთმშენის" გალის N20 სამმართველოს უფროს სამუშაოთა მწარმოებლად, ხოლო მისი N1 მოძრავ-მექანიზებულ კოლონად რეორგანიზაციის შემდეგ, იყო კოლონის უფროსი 1993 წლამდე; მონაწილეობდა და ხელმძღვანელობდა ისეთი მნიშვნელოვანი ობიექტების მშენებლობას, როგორებიც იყო "ენგურჰესის" კასკადის ვარდნის ჰესები, "ენგურჰესის" ძალოვანი კვანძი, უნიკალური მიწისქვეშა სამანქანო განყოფილებით, საცხოვრებელი სახლების და სხვა სოციალური დანიშნულების ობიექტები; კოლხეთის დაბლობის, კერძოდ გალის რაიონის ფარგლებში, დაჭაობებული მიწების სამელიორაციო სისტემების მშენებლობა და სხვა; მიღებული აქვს ჯილდოები და საუწყებო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.755-756