დავით ჯობავა

დაბადების ადგილი: ხობის  რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1961 წელს.

შრომითი საქმიანობა დაიწყო 1961 წლიდან საპროექტო ინსტიტუტ "თბილჰიდროპროექტში", შემდეგ კი მუშაობდა სამშენებლო ტრესტ "თბილმეტრომშენში"; 1963-1967წწ. იყო საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" ჯერ უბნის უფროსი, სამმართველოს მთავარი ინჟინერი; 1967 წლიდან იყო საქართველოს მშენებლობის სამინისტროს N10 სამშენებლო ტრესტ "მაღლივმშენის" მთავარი ინჟინრის მოადგილე, მთავარი ინჟინერ, მმართველი, სამშენებლო გაერთიანება "თბილქალაქმშენის" მთავარი ინჟინერი; 1994 წლიდან იყო გაერთიანება სს "მაღლივმშენის" დირექტორი; დიდი წვლილი აქვს შეტანილი ქ. თბილისის განაშენიანების საქმეში, მონაწილეობდა და ხელმძღვანელობდა მნიშვნელოვანი საზოგადოებრივი, კულტურულ-საგანმანათლებლო დანიშნულებისა და საცხოვრებელი მ/რ მაღლივი ობიექტების მშენებლობას; დიდი ღვაწლი მიუძღვის მაღლივი (16 და 18-სართულიანი) საცხოვრებელი და საზოგადოებრივი დანიშნულების შენობების სეისმომედეგი, უნიფიცირებული, ანაკრები რკინაბეტონის კარკასული ნაკეთობების (სერია იის-04) ათვისებისა და დანერგვის საქმეში. მიღებული აქვს სსრ კავშირის მინისტრთა საბჭოსა და საქართველოს მინისტრთა საბჭოს პრემიები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.756; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი