ლევან მგალობლიშვილი

დაბადების ადგილი: ქ. ქუთაისი.

დაამთავრა თბილისის რკინიგზის ტრანსპორტის ინჟინერთა ინსტიტუტი გზათა მიმოსვლის ინჟინერ-ელექტრომექანიკოსის სპეციალობით.

1958-1960წწ. მუშაობდა ამიერკავკასიის რკინიგზის ელექტრომომარაგების თბილისის უბნის ინჟინრად, ხოლო 1960 წელს სამუშაოდ გადავიდა თბილისის ელექტროტექნიკურ ინსტიტუტში; 1960-1963წწ. იყო საქართველოს მეცნიერებათა აკადემიის ენერგეტიკის ინსტიტუტის ასპირანტი, 1963-1964წწ. საქართველოს პოლიტექნიკური ინსტიტუტის ელექტრული ტრანსპორტის კათედრის უფროსი ინჟინერი; 1964-1974წწ. საქართველოს მეცნიერებათა აკადემიის პრეზიდიუმის სწავლული მდივანი, სამეცნიერო-საორგანიაციო განყოფილების უფროსი, მთავარი სწავლული მდივნის მოადგილე, 1974-1985წწ. საქართველოს კომპარტიის ცენტრალური კომიტეტის ორგანიზაციულ - პარტიული მუშაობის განყოფილების ინსპექტორი, საქართველოს კომპარტიის თბილისის კალინინის რაიკომის პირველი მდივანი, ცენტრალური კომიტეტის საერთო განყოფილების გამგე; 1985-1996წწ. საქართველოს მეცნიერებათა აკადემიის ბუნებისმეტყველებისა და ტექნიკის ისტორიკოსთა საბჭოს თავმჯდომარე, აკადემიის პრეზიდიუმის სამეცნიერო ინფორმაციის განყოფილების უფროსი. 1996 წლიდან არის საქართველოს მეცნიერებათა აკადემიის პრეზიდენტის მრჩეველი. ტექნიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.132;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.213; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 630-631

• საერთაშორისო საინჟინრო აკადემია, ნამდვილი წევრი

• 2000 - საქართველოს სახელმწიფო პრემია, მეცნიერებისა და ტექნიკის დარგში
  1988-1997 წლებში გამოქვეყნებულ შრომათა ციკლისათვის- "საქართველოში სამეცნიერო-ტექნიკური პოტენციალის ჩამოყალიბება და განვითარება"
• 1999 - ღირსების ორდენი
  ქართული მეცნიერების განვითარებაში შეტანილი პირადი დიდი წვლილისათვის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის
• 1971 - საპატიო ნიშნის ორდენი