აბელ ჯოხაძე

დაბადების ადგილი: ამბროლაურის რაიონი.

დაამთავრა თბილისის ინდუსტრიული ტექნიკუმი 1938 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1943 წელს.

შრომითი საქმიანობა დაიწყო საპროექტო ინსტიტუტ "თბილქალაქპროექტში" ინჟინრად; მუშაობდა ონის რაიონული საბჭოს აღმასკომის და აფხაზეთის ავტონომიური რესპუბლიკის მთავარ საკურორტო სამმართველოში მთავარ ინჟინრად; 1943-1957წწ. ხელმძღვანელობდა საქართველოს სოცუზრუნველყოფის სამინისტროს სამშენებლო-სარემონტო და საქართველოს სახალხო მეურნეობის საბჭოს სამშენებლო სამმართველოებს; 1967-1985წწ. იყო საქართველოს სასოფლო მშენებლობის სამინისტროს N2 სამშენებლო ტრესტის ამბროლაურის სამშენებლო სამმართველოს უფროსი და ამავე სამინისტროს რესპუბლიკური გაერთიანება "საქკოლმეურნმშენის" თავმჯდომარის მოადგილე; 1989 წლიდან მუშაობდა საქართველოს მინისტრთა საბჭოს რესპუბლიკური გაერთიანება "საქკურორტმშენის" მთავარ ინჟინრად; მისი მონაწილეობითა და ხელმძღვანელობით აშენდა და საექსპლუატაციოდ გადაიცა სოციალური, კულტურული, სასოფლო-სამეურნეო დანიშნულებისა და გადამამუშავებელი მრეწველობის არაერთი ობიექტი; დაჯილდოებული იყო მედლებითა და საქართველოს მინისტრთა საბჭოს საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.759

• საპატიო ნიშნის ორდენი