შერმადინ ჯღარკავა

დაბადების ადგილი: სოფელი ნაგვაზაო, მარტვილის რაიონი.

დაამთავრა საქართველოს პოლიტექნიკური ინსტიტუტი ხიდებისა და საავტომობილო გზების მშენებლობის სპეციალობით 1977 წელს.

 მუშაობდა საქართველოს საავტომობილო გზების სამინისტროს მარტვილის საგზაო-საექსპლუატაციო უბნის სამუშაოთა მწარმოებლად, საქართველოს მშენებლობის სამინისტროს N5 სამშენებლო ტრესტში, იმავე სამინისტროს N10 სამშენებლო ტრესტ "მაღლივმშენში" და N9 სამშენებლო ტრესტის სამრეწველო საწარმოთა კომბინატში; ხელმძღვანელობდა სს "თბილმრეწვმშენ-3"-ის N3 სამშენებლო სამმართველოს; მონაწილეობდა კასპის რაიონის აგურის ქარხანა "მეტეხის". საქარმოო გაერთიანება "ეკრანის", საცხოვრებელი სახლებისა და სამრეწველო დანიშნულების ობიექტების მშენებლობაში; მიღებული აქვს სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.761