შაქრო ფალავანდიშვილი

დაბადების ადგილი: სოფელი გორგაძეები, ხელვაჩაურის რაიონი.

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი გეოგრაფია-ბიოლოგიის სპეციალობით 1967 წელს.

1967-1968წწ. მუშაობდა საშუალო სკოლის გეოგრაფიის მასწავლებლად; 1968-1971 წლებში გაიარა ასპირანტურის კურსი ჩაისა და სუბტროპიკული კულტურების საკავშირო სამეცნიერო-კვლევით ინსტიტუტში ნიადაგთმცოდნეობის სპეციალობით, ამავე პერიოდში გაიარა სტაჟირება მოსკოვის მ. ლომონოსოვის სახელობის სახელმწიფო უნივერსიტეტში ნიადაგის ფიზიკის და მელიორაციის კათედრაზე; 1971-1989წწ. მუშაობდა ჩაისა და სუბტროპიკულ კულტურათა საკავშირო სამეცნიერო-კვლევითი ინსტიტუტის ჩაქვის ფილიალში ჯერ უმცროს, შემდეგ უფროს მეცნიერ-თანამშრომლად, 1975-1989წწ. იყო ფილიალის დირექტორი; 1978-1980წწ. იმყოფებოდა ავღანეთში მეცნიერ-კონსულტანტად ციტრუსებისა და ზეთისხილის პლანტაციებში მორწყვის საკითხებზე (ქ. ჯეჯალაბადი); 1989 წლიდან მუშაობდა ბათუმის სახელმწიფო უნივერსიტეტში გეოგრაფიის კათედრაზე დოცენტად, 1993 წლიდან - კათედრის გამგედ, 2006 წლიდან გარდაცვალებამდე იყო გეოგრაფიის დეპარტამენტის ხელმძღვანელი. პედაგოგიურ საქმიანობასთან ერათად ეწოდა სამეცნიერო მუშაობას. გამოქვეყნებული აქვს 60 სამეცნიერო ნაშრომი ნიადაგების გეოგრაფიაში. მიღებული აქვს სახელმწიფო ჯილდოები. გეოგრაფიულ მეცნიერებათა დოქტორი, პროფესორი. 

საკანდიდატო დისერტაციის თემა - "წითელმიწა ნიადაგების წყლის რეჟიმი სუბტროპიკული კულტურისა და კოლხეთის ტყის ტიპის ქვეშ აჭარის პირობებში", დაიცვა 1972 წელს (პატრის ლუმუმბას სახელობის ხალხთა მეგობრობის უნივერსიტეტი); სადოქტორო დისერტაციის თემა - "აჭარის ნიადაგების რაციონალური გამოყენების გეოგრაფიული ასპექტები სუბტროპიკული კულტურების განვითარებასთან დაკავშირებით", დაიცვა 1993 წელს.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.144; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.248-249

• საქართველოს გეოგრაფიული საზოგადოების ბათუმის ფილიალი, თავმჯდომარე

• 2002 - საქართველოს სახელმწიფო პრემია, მეცნიერებისა და ტექნიკის დარგში
  საბუნებისმეტყველო მეცნიერებათა დარგში 1970-1999 წლებში შესრულებულ შრომათა ციკლისათვის - ''საქართველოს ნიადაგების კვლევა''.
• 2001 - აჭარის ავტონომიური რესპუბლიკის მეცნიერების დამსახურებული მოღვაწე

• ნიადაგის ეკოლოგია : სახელმძღვ. (თანაავტორი). - ბათუმი; თბილისი, 2009. - 252გვ. . - ISBN: 9789941907999
• შუახევის რაიონის ყომრალი ნიადაგები და მისი ინტენსიური გამოყენება (რედაქტორი). - ბათუმი, ალიონი, 2007. - 55გვ.. - ISBN: 9992843861
• ქობულეთის რაიონის ბუნება და სოფლის მეურნეობა (ავტორი). - ბათუმი, ბათუმის უნივერსიტეტი, 2003. - 143გვ. . - ISBN: 9992896914
• აჭარის ნიადაგების გეოგრაფია და მათი აგროსაწარმოო გამოყენება (ავტორი). - ბათუმი, ბათუმის უნივერსიტეტი,, 2003. - 202გვ.. - ISBN: 9992896906
• ნიადაგების გეოგრაფია ნიადაგმცოდნეობის საფუძვლებით (ავტორი). - ბათუმი, აჭარა, 2002. - 352გვ. . - ISBN: 999288536X