სტეფანე არღუნელი

დაბადების ადგილი: სოფელი ველისციხე, გურჯაანის რაიონი.

სამწერლო ასპარეზზე გამოვიდა 1939 წელს, ჟურნალ "ნიანგში", იუმორისტული ლექსით "რა ვიცოდი!". 1942 წელს მუშაობა დაიწყო გურჯაანის რაიონულ გაზეთ "მევენახეს" რედაქციაში ლიტერატურულ მუშაკად, შემდეგ პასუხისმგებელ მდივნად, გაზეთ "კომუნისტის" კულტურისა და ყოფაცხოვრების განყოფილების გამგედ, გაზეთ "წიგნის სამყაროს" რედაქტორის მოადგილედ. 1942 წლის ოქტომბრიდან, საბჭოთა არმიაში გაწვევის შემდეგ, მუშაობდა წითელარმიულ გაზეთებში ("სამშობლოს სადარაჯოზე", "სამშობლოს დამცველი", "ლენინური დროშა" და სხვ.). 1939 წელს-ალკკ, ხოლო 1943 წელს საკავშირო კომუნისტური პარტიის წევრი გახდა. 1939 წლიდან მისი ლექსები, პოემები, მოთხრობები, რეცენზიები იბეჭდებოდა რაიონულ და ცენტრალურ ჟურნალ-გაზეთებში. მისი ნაწარმოებების თემებია: სამამულო ომი, კოლმეურნეობა, სოციალისტური მშენებლობა და სხვ. ეროვნულ მოძრაობაში იყო 1980-იანი წლების ბოლოს. გამოცემული აქვს ლექსების კრებულები: "უკვდავი სახელები", "საქართველოს წყაროები" (1963), "წამო, გომბორზე გადაგახედო" (1982), "ჯაგანი". საყოველთაო ყურადღება მიიპყრო პოემებმა: "გარდამავალი დროშა" და "მოლოდინი". მთარგმნელი რუსული და ინგლისური ენებიდან. თარგმნილი აქვს რუსული კლასიკური და ყოფილი სსრკ-ს ხალხთა პოეზიის არაერთი ნიმუში.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.204;წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ. 235

• გიორგი დავითაშვილი : მონოგრაფია (Author). - თბილისი, ხელოვნება, 1956. - 56გვ.
• ჟურნალისტის ჩანაწერები : ნარკვევი (Author). - თბილისი, სახელგამი, 1955. - 160გვ.
• უკვდავი სახელი : ლექსები (Author). - თბილისი, სახელგამი, 1953. - 95გვ.