დავით ჭელიძე

დაბადების ადგილი: ქ. თბილისი.

დაამთავრა თბილისის უცხო ენათა პედაგოგიური ინსტიტუტი ინგლისური ენის პედაგოგის სპეციალობით 1974 წელს.

1974 წლის აგვისტოში მუშაობა დაიწყო საქართველოს რადიოს სპორტულ გადაცემათა რედაქციაში კორესპონდენტად; 1975-1980 წწ. მუშაობდა გაზეთებში "ლელო" (მოსწავლე ახალგაზრდობის განყოფილების გამგედ) და "ახალგაზრდა კომუნისტი" (სპორტის განყოფილების კორესპონდენტად). 1980-1985 წწ. სამუშაოდ გადავიდა საქართველოს ტელევიზიაში, ახალგაზრდული პროგრამების რედაქციაში, განყოფილების გამგედ; 1985-1990 წწ. დაბრუნდა "ლელოში", იყო მისი საჭადრაკო დამატება "მერანის" განყოფილების გამგე, შემდეგ კი რედაქტორი. პარალელურად თანამშრომლობდა "ლელოში". იყო გაზეთ "ერის" მთავარი რედაქტორის მოადგილე, გაზეთ "კაბადონი-8"-ის სპორტის განყოფილების გამგე, "დილის გაზეთისა" და "ქართული კულტურის" მთავარი რედაქტორის მოადგილე, გაზეთ "ოლიმპის" ქართული სპორტის განყოფილების გამგე; ავტორია 11 წიგნისა: "სპორტული ნარკვევები" (1981), პუბლიცისტური კრებულის ორი წიგნი -"ცხოვრების ხიბლი ცხოვრებაშია" (2002) და "მთავარი როლები და შემსრულებლები" (2015), "კანდელი ზურაბ საკანდელიძისა" (2005), "მართალი კაცი" (2006, მეორე გამოცემა 2012), "მეშვიდე სიმაღლე" (2008), "კალათბურთი ჩემი ცხოვრებაა" (2014). ოლიმპიური ჩემპიონების სერიით: "ზურაბ საკანდელიძე", "მიხეილ ქორქია", "რაფაელ ჩიმიშკიანი", ხოლო 2017 წლის მარტში დაისტამბა დავით ჭელიძის მე-11 წიგნი: "ნატო კვანტალიანი - სუფთა ხელებით ბიზნესში"; 2002 წელს დაჯილდოვდა ნოდარ გუგუშვილის სახელობის პრემიით, 2007 წელს "სახალხო ბანკმა" (დღევანდელი "ლიბერთი ბანკი") თავისი პრემიით დააჯილდოვა.

• 2015 - საქართველოს დამსახურებული ჟურნალისტი

• მეშვიდე სიმაღლე : მიხეილ ქორქია (ავტორი). - თბილისი, 2008. - 134გვ.
• კანდელი ზურაბ საკანდელიძისა (ავტორი). - თბილისი, 2005. - 208გვ.
• მოზღვავებული სიკეთე : დოკუმენტ. მოთხრობა მოჭადრაკე ვახტანგ ქარსელაძეზე (მთარგმნელი). - თბილისი, ნაკადული, 1990. - 166გვ.
• მეოთხე სიმაღლე : ლიტ. ჩანაწერი ევგენი ჩენისა ; თარგმ. დავით ჭელიძისა (მთარგმნელი). - თბილისი, საბჭოთა საქართველო, 1987. - 143გვ.
• სპორტული ნარკვევები (ავტორი). - თბილისი, საბჭოთა საქართველო, 1981. - 149გვ.