ვასილ კაციტაძე

დაბადების ადგილი: სოფელი მუხლი, ახლანდ. ამბროლაურის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1932 წელს.

1932 წლიდან, ვასილ კაციტაძემ თავისი საქმიანობა საქართველოში პროფილაქტიკური მედიცინის განვითარებას და უმაღლეს სასწავლებელში პედაგოგიურ საქმიანობას მიუძღვნა; 1939 წლიდან, ჯერ თბილისის სტომატოლოგიური ინსტიტუტის, ხოლო შემდეგ თბილისის სახ. სამედიცინო ინსტიტუტის ჰიგიენის კათედრის გამგეა; 1948–1972 წლებში იყო თბილისის სახ. სამედიცინო ინსტიტუტის სანიტარულ–ჰიგიენური ფაკულტეტის დეკანი; მისი მრავალირცხოვანი ნაშრომები შეეხება კვების, კომუნალური ჰიგიენის, შრომის ჰიგიენის საკითხების მეცნიერულ კვლევებს და ამ დარგების განვითარებას; ვასილ კაციტაძე ავტორია ქართულ ენაზე გამოცემული ჰიგიენის პირველი სახელმძღვანელოებისა; "ზოგადი ჰიგიენა" (1942 წ.), "სამხედრო ჰიგიენა" (1950 წ.), "კვების ჰიგიენა" (1957 წ.), "რადიაციული ჰიგიენა" (1968 წ.). შემდგომ წლებში ეს სახელმძღვანელოები არაერთხელ გამოიცა; 1950 წელს დაიცვა მედიცინის მეცნიერებათა დოქტორის ხარისხი, 1951 წლიდან პროფესორია. ჰიგიენისტი.

წყარო: ქართული საბჭოთა ენციკლოპედია, ტ. 5, გვ. 444

• 1961 - საქართველოს მეცნიერებათა დამსახურებული მოღვაწე
• ლენინის ორდენი

• ჰიგიენა (ავტორი) // ნაწ. 1. - თბილისი, განათლება, 1983. - 466გვ.
• ჰიგიენა : სახელმძღვ. სამედ. ინ-ტის სტუდ. (ავტორი) // ნაწ. 2 : რადიაციული ჰიგიენა, სამხედრო ჰიგიენა, ჰიგიენის მეთოდური პრაქტიკუმი. - თბილისი, განათლება, 1975. - 339 გვ.
• რადიაციული ჰიგიენის საკითხები : ექიმ-ლექტორის დასახმარებლად (ავტორი). - თბილისი, საბჭოთა საქართველო, 1969. - 136გვ.
• კვების ჰიგიენა : სახელმძღვ. სამედ. ინ-ტის სტუდენტებისათვის (ავტორი). - თბილისი, განათლება, 1967. - 405გვ.
• სამხედრო ჰიგიენა : სახელმძღვ. სამედ. ინ-ტის სტუდ. (ავტორი). - თბილისი, ცოდნა, 1964. - 124გვ.