ჯონდო გიორგაძე

დაბადების ადგილი: სოფელი ზემო ხეთა, ჩოხატაურის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის ელექტრული ტრანსპორტის ფაკულტეტი რკინიგზის ტრანსპორტის ელექტრიფიკაციის სპეციალობით 1957 წელს.

1957-1958 წწ. მუშაობდა ქ. სამარის სალოკომოტივო დეპოში ელმავლის მემანქანის თანაშემწედ; 1958-1959 წწ. თბილისის ელმავალმშენებელი ქარხნის საკონსტრუქტორო განყოფილების ინჟინრად, უფროს ინჟინრად; 1959-1964 წწ. სპეციალური საკონსტრუქტორო ბიუროს სამონტაჟო სქემების დამუშავების განყოფილების ბიუროს უფროსად; 1964-1970 წწ. იყო პერსპექტიული დამუშავების ლაბორატორიის უფროსი; 1970-1974 წწ. ძრავებისა და დროსელური მოწყობილობის განყოფილების ლაბორატორიის ხელმძღვანელი; 1974-1993 წწ. ელექტრული სქემებისა და მონტაჟის განყოფილების უფროსი; 1993 წელს იგი გადაიყვანეს სპეციალური საკონსტრუქტორო ბიუროს მაგისტრალური ელმავლების პროექტის მთავარ კონსტრუქტორად; 1994 წელს ელექტრომავლების სქემების, ძრავების დაგეგმარებისა და გამოცდის განყოფილების უფროსად და საკონსტრუქტორო ბიუროს მთავარ კონსტრუქტორად; 2000 წლიდან შპს "ელექტროტრანსპორტპროექტის" (ყოფილი სპეციალური საკონსტრუქტორო ბიურო) მთავარ კონსტრუქტორად. 2002 წლიდან გარდაცვალებამდე იყო სააქციო საზოგადოება "ელმავალმშენებლის"  სპეციალური საკონსტრუქტორო ბიუროს მთავარი კონსტრუქტორი. 

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.152

• 2002 - საქართველოს საპატიო რკინიგზელი
• 2002 - საქართველოს სახელმწიფო პრემია, მეცნიერებისა და ტექნიკის დარგში
  1998-2000 წლებში შესრულებული სამუშაოსათვის - "მუდმივი დენის ოთხღერძიანი მაგისტრალური ელმავლის შექმნა და სერიულ წარმოებაში დანერგვა"