ზაზა თავაძე

დაბადების ადგილი: ქ. ზესტაფონი.

დაამთავრა საქართველოს ღია ჰუმანიტარული ინსტიტუტი სამართალმცოდნეობის სპეციალობით, იურისტის კვალიფიკაციით 1996 წელს; ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტის გერმანულენოვანი მაგისტრატურა 2002 წელს; 2006-2007 წწ. სწავლობდა EC-თბილისის პოლიტიკურ სწავლებათა სკოლაში (საქართველო, თბილისი - საფრანგეთი, სტრასბურგი); 2008-2010 წწ. თბილისის ეკონომიკურ ურთიერთობათა სახელმწიფო უნივერსიტეტის ბიზნესისა და მართვის ფაკულტეტი, მიიღო ბიზნესის მართვის მაგისტრის აკადემიური ხარისხი საერთაშორისო ბიზნესის ადმინისტრირების სპეციალობით; გრიგოლ რობაქიძის სახელობის უნივერსიტეტის სამართლის სკოლის დოქტორანტი საჯარო სამართალში (2017); ვიურცბურგის იულიუს-მაქსიმილიანეს უნივერსიტეტის იურიდიული ფაკულტეტის დოქტორანტი საჯარო სამართალში (2019). 

1999 წელს იყო ზესტაფონის რაიონის საკრებულოსა და გამგეობის აპარატის იურისტი, საორგანიზაციო განყოფილების უფროსი; 1999-2000 წწ. საქართველოს იუსტიციის სამინისტროს ადგილორივ თვითმმართველობისა და მმართველობის ორგანოებთან მუშაობის იმერეთის რეგიონალური განყოფილების მრჩეველი; 2000-2004 წწ. თანამდებობის პირთა ქონებრივი და საფინანსო მდგომარეობის საინფორმაციო ბიუროს სამართლებრივ საკითხთა სექტორის წამყვანი სპეციალისტი; 2004 წელს საქართველოს ლტოლვილთა და განსახლების სამინისტროს იურიდიული დეპარტამენტის უფროსი; 2004-2007 წწ. საქართველოს გენერალური პროკურატურის საკადრო უზრუნველყოფის დეპარტამენტის უფროსის მოადგილე, შემდეგ კი – ამავე დეპარტამენტის უფროსი; 2007-2008 წწ. საქართველოს გენერალური პროკურატურის საკადრო უზრუნველყოფის დეპარტამენტის უფროსი; 2008-2010 წწ. საქართველოს იუსტიციის სამინისტროს მინისტრის მოადგილე; 2010 წლის 30 მარტიდან საქართველოს საკონსტიტუციო სასამართლოს წევრი (უფლებამოსილების განხორციელებას შეუდგა 2010 წლის 15 ივნისს,  ფიცის დადების დღიდან); 2010-2016 წწ. საქართველოს საკონსტიტუციო სასამართლოს თავმჯდომარის მოადგილე; 2016-2017 წწ. ევროპის საკონსტიტუციო სასამართლოების კონფერენციის თავმჯდომარე; 2016 წლის 20 ოქტომბრიდან არის საქართველოს საკონსტიტუციო სასამართლოს თავმჯდომარე; 2017 წლიდან გრიგოლ რობაქიძის სახელობის უნივერსიტეტის მოწვეული ლექტორი; გამოქვეყნებული აქვს სტატიები: "შეჯიბრებითობის პრინციპის ფარგლები სისხლის სამართლის საქმეებში: საქართველოს საკონსტიტუციო სასამართლოს 2015 წლის 29 სექტემბრის გადაწყვეტილების ანალიზი" (gruni.edu.ge), "საკუთრების უფლების შეძენა უძრავ ქონებაზე - კონსტიტუციური ბალანსი თავდაპირველი მესაკუთრისა და კეთილსინდისიერი შემძენის ინტერესებს შორის. საქართველოს საკონსტიტუციო სასამართლოს 2017 წლის 17 ოქტომბრის N3/4/550 გადაწყვეტილების ანალიზი" (lawandworld.ge), "A PRIORI MODEL OF CONSTITUTIONALITY REVIEW IN GEORGIA: SYSTEMIC ASPECTS AND POTENTIAL SHORTCOMINGS (წინასწარი საკონსტიტუციო კონტროლის მოდელი საქართველოში: სისტემური მახასიათებლები და პოტენციური ხარვეზები eujournal.org)"; ასევე არის წიგნის რედაქტორი -  "ადამიანის უფლებათა დაცვის პოლიტიკა ევროპული კავშირის სამართალში". სამართალმცოდნე, გრიგოლ რობაქიძის სახელობის უნივერსიტეტის პროფესორი (2018).

სადისერტაციო თემა - "წინასწარი საკონსტიტუციო კონტროლის არსი, მისი სისტემური მახასიათებლები და განვითარების პერსპექტივები საქართველოში".

წყარო: საქართველოს საკონსტიტუციო სასამართლოს ვებ- გვერდი: constcourt.ge

• საქართველოს საკონსტიტუციო სასამართლო, თავმჯდომარის მოადგილე (2010-2016)
• საქართველოს საკონსტიტუციო სასამართლო, თავმჯდომარე (2016-)
• საქართველოს საკონსტიტუციო სასამართლოს სამართლის ჟურნალის სარედაქციო საბჭო, თავმჯდომარე (2018-)
• შავი ზღვის და ბალტიისპირეთის რეგიონების ქვეყნების კონსტიტუციური მართმსაჯულების ასოციაციაცია (BBCJ), თავმჯდომარე (2018-2019)

• შეჯიბრებითობის პრინციპის ფარგლები სისხლის სამართლის საქმეებში : საქართველოს საკონსტიტუციო სასამართლოს 2015 წლის 29 სექტემბრის გადაწყვეტილების ანალიზი (ავტორი) // აკადემიური მაცნე = Academic Digest N11. - თბილისი, 2018. - გვ.9-17
• საკუთრების უფლების შეძენა უძრავ ქონებაზე - კონსტიტუციური ბალანსი თავდაპირველი მესაკუთრისა და კეთილსინდისიერი შემძენის ინტერესებს შორის : საქართველოს საკონსტიტუციო სასამართლოს 2017 წლის 17 ოქტომბრის N3/4/550 გადაწყვეტილების ანალიზი (ავტორი) // სამართალი და მსოფლიო = Law & World : საერთაშორისო სამეცნიერო ჟურნალი N8. - თბილისი, 2017. - გვ.22-32