ალბერტ წიკლაური

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის ელექტრული ტრანსპორტის ფაკულტეტი რკინიგზის ტრანსპორტის ელექტრიფიკაციის სპეციალობით 1958 წელს.

1958 წლის აგვისტოდან იმავე წლის დეკემბრის ბოლომდე მუშაობდა ჩრდილოეთ კავკასიის რკინიგზის სადგურ ტუაპსეს სალოკომოტივო დეპოში ელმავლის მემანქანის თანაშემწედ; 1959-1986 წწ. თბილისის ელმავალმშენებელი ქარხნის სპეციალური საკონსტრუქტორო ბიუროს (შემდგომში - სს "ელმავალმშენებლის" შპს "ელექტროტრანსპროექტი") ინჟინერ-კონსტრუქტორად, უფროს ინჟინერ-კონსტრუქტორად, ელმავლის ურიკების სექტორის უფროსად, ელმავლის მექანიკური ნაწილისა და მოწყობილობების განლაგების განყოფილების უფროსის მოადგილედ, 1986 წლიდან - ამავე განყოფილების უფროსად.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.156

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებული სამუშაოსათვის - "მუდმივი დენის ოთხღერძიანი მაგისტრალური ელმავლის შექმნა და სერიულ წარმოებაში დანერგვა"
• 2002 - საქართველოს საპატიო რკინიგზელი
• 1971 - საპატიო ნიშნის ორდენი