მიხეილ ჩინჩალაძე

დაბადების ადგილი: სოფელი ტყემლოვანა, ჭიათურის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1941 წელს.
1949 წელს ჩაირიცხა განათლების სამინისტროს პედაგოგიკის მეცნიერებათა ეროვნული ინსტიტუტის ასპირანტურაში აკადემიკოს ვარლამ თოფურიას ხელმძვანელობით; დაიცვა დისერტაცია და მიენიჭა მეცნიერებათა კანდიდატის სამეცნიერო ხარისხი. მალე იგი უფროს მეცნიერ-მუშაკად დაამტკიცეს; 1960 წლიდან ა. პუშკინის სახელობის სახელმწიფო პედაგოგიური ინსტიტუტის დაწყებითი განათლების, პედაგოგიკისა და მეთოდიკათა ფაკულტეტის დეკანად აირჩიეს; არჩეული იყო სულხან-საბა ორბელიანის სახელობის სახელმწიფო პედაგოგიური უნივერსიტეტის დიდი საბჭოს, ფილოლოგიისა და პედაგოგიკის ფაკულტეტის საბჭოების წევრად, განათლების სამინისტროს დაწყებითი განათლების სასწავლო-მეთოდიკური საბჭოს თავმჯდომარედ, ჟურნალ "ქართული ენა და ლიტერატურა არაქართულ სკოლებში" სარედაქციო საბჭოს წევრად;  იყო 250-ზე მეტი სამეცნიერო-მეთოდიკური ნაშრომისა და სასკოლო სახელმძვანელოების ავტორი. დაჯილდოებული იყო მრავალი სიგელით და 8 მედლით. დოცენტი (1961), პროფესორი.

წყარო: მიხეილ ჩინჩალაძე - 90 : პროფესორ მ. ჩინჩალაძის ბიოგრაფია და პედაგოგიური მოღვაწეობა //საქართველოს განათლების მეცნიერებათა აკადემიის მოამბე . - თბილისი, 2004. - N7. - გვ.8-10; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.183

• საქართველოს პედაგოგიკის მეცნიერებათა აკადემია, ერთ-ერთი დამფუძნებელი, აკადემიკოსი (1995-2011)

• 2003 - ღირსების ორდენი
• 2000 - იაკობ გოგებაშვილის სახელობის პრემია
• 1997 - ღირსების მედალი
• 1974 - იაკობ გოგებაშვილის სახელობის პრემია
• საპატიო ნიშნის ორდენი

• ტყემლოვანა და იქაური დიალექტიზმები (ავტორი). - თბილისი, 2001. - 90გვ.
• ქართული ენა და ლიტერატურა : რუს. სკოლის მე-10 კლასის სახელმძღვ. (თანაავტორი). - თბილისი, განათლება, 1996. - 158გვ.
• საკითხავ ტექსტებზე მუშაობა ქართულ ენაში : დაწყ. კლ. მასწავლებლებისათვის (ავტორი). - თბილისი, განათლება, 1989. - 235გვ.
• ქართული ენა : საქ. სსრ სომხ. სკოლის მე-6 კლ. სახელმძღვ. (თანაავტორი). - თბილისი, განათლება, 1989. - 167გვ.
• ქართული ენა : საქ. სსრ რუს. სკოლის მე-10 კლ. სახელმძღვ. (თანაავტორი). - თბილისი, განათლება, 1988. - 181გვ.