ხათუნა მილორავა

დაბადების ადგილი: ქ. თბილისი.

დაამთავრა შოთა რუსთაველის თეატრისა და კინოს უნივერსიტეტი სარეჟისორო სპეციალობით (პედაგოგი ლილი იოსელიანი) 2002 წელს.

2002-2005წწ. მუშაობდა "სამეფო უბნის თეატრში" რეჟისორად, ასევე სპექტაკლებს დგამდა "თეატრი ათონელზე" და "თეატრალურ სარდაფში რუსთაველზე"; თავის დადგმებში ხათუნა მილორავა გამოხატავს "ახალი დრამის" ესთეტიკას, რაც განაპირობებს ახალი თეატრალური ენის ძიებას მის შემოქმედებაში; მისი დადგმები იდგმებოდა კოტე მარჯანიშვილის სახელობის სახელმწიფო აკადემიური დრამატულ თეატრში - My Redbreast (მიხო მოსულიშვილის პიესა "ჩემო მეჟოლია", 2014); თუმანიშვილის კინომსახიობთა თეატრში - მიხო მოსულიშვილის პიესის "ვაჟა-ფშაველა, ანუ უნახავის დანახვა" საჯარო წაკითხვის რეჟისორი (2013); ნოდარ დუმბაძის სახელობის მოზარდ მაყურებელთა პროფესიული თეატრში "დეჟავუ" (ალექსანდრე გელმანის მიხედვით, 2013); ილიაუნის თეატრში - "სხვისი ცოლი და ქმარი საწოლქვეშ" (თედორე დოსტოევსკის ამავე სახელწოდების მოთხრობის მიხედვით, 2011); თეატრი ათონელზე - "შოუ, რომელიც ერთ დროს დაიწყო" (მუზიკლი, 2005); "დაუსრულებელი რომანი" (ალექსანდრე გელმანის "ბაღის სკამი-ს მიხედვით", 2007); "თაღლითები" (ვასილი კრასნოგოროვის ამავე სახელწოდების პიესის მიხედვით, 2009); თეატრალური სარდაფში რუსთაველზე - "შიში და სასოწარკვეთილება მესამე იმპერიაში" (ბერტოლდ ბრეხტის პიესების, "ჯაშუში და ებრაელი ცოლის" მიხედვით, 2002); სამეფო უბნის თეატრში - "ჩიტი" (ნოდარ დუმბაძის მოთხრობების მიხედვით, 1998); "შტოსი" (მიხეილ ლერმონტოვის მოთხრობების მიხედვით, 1999) ; ვოდევილები (ანტონ ჩეხოვის მოთხრობების მიხედვით, 2000); მიღებული აქვს მაყურებლის სიმპათიის პრიზი კამერული თეატრების და მცირე ფორმების სპექტაკლების მეოთხე საერთაშორისო თეატრალურ ფესტივალზე "არტოკრაინა", სპექტაკლისათვის "დეჟავუ", სანკტ-პეტერბურგი (2013).