ნინო ფირცხალავა

დაბადების ადგილი: ქ. თბილისი.

დაამთავრა იენის ფრიდრიხ შილერის სახელობის უნივერსიტეტის ლიტერატურისა და ხელოვნების ფაკულტეტი 1980 წელს. 

1986-2006წწ. იყო თბილისის სახელმწიფო უნივერსიტეტის კულტურის ისტორიისა და თეორიის კათედრის პროფესორი; 1994-1998წწ. იყო ირანის ისლამურ რესპუბლიკაში ავსტრიის საელჩოს კულტურის ინსტიტუტის გერმანულენოვანი ლიტერატურის პედაგოგი; 1996-1998წწ. თეირანის თავისუფალი უნივერსიტეტის დოქტორანტთა ჯგუფის სამეცნიერო ხელმძღვანელი; 2005-2006წწ. ასრულებდა ილია ჭაჭავაძის სახელობის ენისა და კულტურის თბილისის სახელმწიფო უნივერსიტეტის რექტორის მოვალეობას; 2006-2010წწ. იყო ილიას სახელმწიფო უნივერსიტეტის უცხო ენათა ფილოლოგიის ფაკულტეტის დეკანი. ფილოლოგიურ მეცნიერებათა დოქტორი, კულტუროლოგი, თბილისის სახელმწიფო უნივერსიტეტის კულტურის ისტორიისა და თეორიის კათედრის პროფესორი (1985). 

საკანდიდატო დისერტაციის თემა - "ანტიკურობის რეცეფციის პრობლემა თანამედროვე ევროპულ დრამატურგიაში", დაიცვა 1984 წელს.

სადოქტორო დისერტაციის თემა - "სამყაროსა და კულტურის მოდელი თომას მანის შემოქმედებაში მისი კულტურფილოსოფიური იდეების შუქზე", დაიცვა 1994 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.457; google.ge