გიორგი ქავთარაძე

 დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის საერთაშორისო სამართლისა და საერთაშორისო ურთიერთობების ფაკულტეტი 1992 წელს, ინდიანას უნივერსიტეტის სამართლის სკოლის მაგისტრატურა 1993 წელს. 

1992-1993წწ. მუშაობდა საქართველოს შრომის, სოციალური დაცვისა და დემოგრაფიის სამინისტროში სპეციალისტად; 1993 წელს ამერიკის შეერთებულ შტატებში ინდიანას უნივერსიტეტში სამართლის სკოლის ასპირანტურაში სწავლის პარალელურად, მუშაობდა იურიდიულ ფირმაში "Square, Sanders and Dampsey" იურსიტად; 1994-1995წწ. იყო წითელი ჯვრისა და წითელი ნახევარმთვარის ორგანიზაციების საერთაშორისო ფედერაციის (IFRC) საქართველოს წარმომადგენლობის საფინანსო ადმინისტრატორის თანაშემწე; 1995-1997წწ. იყო გაეროს ბავშვთა ფონდის (UNICEF) საქართველოს წარმომადგენლობის ადმინისტარტორი; 1997-1998წწ. მუშაობდა გაეროს განვითარების პროგრამის (UNDP) საქართველოს წარმომადგენლობის მიერ განხორციელებული პროექტის – "საქართველოს სახალხო დამცველის სამსახურის მხარდაჭერა" კონსულტანტად; 1998 წელს თებერვალში დაინიშნა საქართველოს იუსტიციის საბჭოს საერთაშორისო ურთიერთობათა კოორდინატორად, იმავე წლის ოქტომბერში – საქართველოს იუსტიციის სასწავლო ცენტრის დირექტორად; 1999 წლის ივლისში საქართველოს პარლამენტის მიერ სამი წლის ვადით არჩეულ იქნა საქართველოს იუსტიციის საბჭოს წევრად (1999-2002) და მდივნად (2000-2001); 2002-2003 წწ. მუშაობდა აშშ-ის საერთაშორისო განვითარების სააგენტოს (USAID) პროექტის – "ტაჯიკეთის რესპუბლიკის სასამართლო რეფორმა" სამართლებრივ კონსულტანტად; პარალელურად, მუშაობდა აშშ-ის იუსტიციის დეპარტამენტის პროექტის – "პროკურატურის რეფორმა საქართველოში" სამართლებრივ კონსულტანტად; 2002 წელს დააფუძნა სოლიდარული პასუხისმგებლობის საზოგადოება – "ქავთარაძე და პარტნიორები", იმავე წელს დააფუძნა ინდიანას უნივერსიტეტის ქართველ კურსდამთავრებულთა ასოციაცია. სხვადასხვა დროს მონაწილეობდა სასწავლო გადამზადების კურსებში. კერძოდ: "(UNICEF)-ის საკადრო რესურსების მართვა (1997, შვეიცარია, ჟენევა), (UNICEF)-ის პროგრამების მართვის დაგეგმარება და საერთო ბიუჯეტი" (1997, შვეიცარია, ჟენევა), "(UNICEF)-ის სახელფასო მეთოდოლოგია და სამუშაოთა კლასიფიკაცია" (1997წ, ეგვიპტე, კაირო), "სამოსამართლო სწავლება" (1999, აშშ, ნევადა), სამართლის ხელმისაწვდომობა – ცვლილებათა სტრატეგია" (2001, გაერთიანებული სამეფო, ლონდონი); "სასამართლო სისტემა" (2001წ, ისრაელი), "სასამართლო მართვა და რეფორმა" (2001, აშშ). 2005 წლის ივნისიდან დეკემბრამდე იყო საქართველოს ცენტრალური საარჩევნო კომისიის (ცსკ) თავმჯდომარე. 2005-2007წწ. იყო საქართველოს იუსტიციის მინისტრი; 2007-2011 წწ.
საკონსულტაციო ფირმის "ქავთარაძე და პარტნიორები" მმართველი პარტნიორი; 2001 წლიდან საკონსულტაციო ფირმის "ჯეი-ემ-ქეი სამართლებრივი კონსულტაცია" პარტნიორი.  იუსტიციის უფროსი მრჩევლი (2001), სამართალმცოდნე. სახელმწიფო და პოლიტიკური მოღვაწე.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.463

• საქართველოს იუსტიციის საბჭო, წევრი (1999-2002)
• საქართველოს ცენტრალური საარჩევნო კომისია, თავმჯდომარე (2005-)