ანატოლი გორგოშიძე

დაბადების ადგილი: ქ. ოზურგეთი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი გამოთვლითი მათემატიკის სპეციალობით 1968 წელს.

1966-1969 წწ. იყო საქართველოს მეცნიერებათა აკადემიის გამოთვლითი ცენტრის უმცროსი მეცნიერი თანამშრომელი; 1969-1971 წწ. საბჭოთა კავშირის რადიოტექნიკური მრეწველობის ცენტრალური სამეცნიერო-კვლევითი ინსტიტუტის სტაჟიორი ინჟინერი (ქ. მოსკოვი), 1971-1974 წწ. ამავე ინსტიტუტის ასპირანტი თეორიული და ექსპერიმენტული რადიოფიზიკის სპეციალობით, 1974-1978 წწ. იქვე უფროსი მეცნიერი თანამშრომელი, ხოლო 1978-1986 წწ. ლაბორატორიის ხელმძღვანელია; 1986-1997 წწ. სამეცნიერო-კვლევით ინსტიტუტ "ტალღას" ექსპერიმენტულ - კვლევითი კომპლექსის უფროსია; 1997 წლიდან  საქართველოს საზღვრის დაცვის დეპარტამენტის განვითარების სამმართველოს უფროსია, საქართველოს სასაზღვრო  მონიტორინგის სისტემა "იორის" მთავარი კონსტრუქტორი; 1986-1997 წწ. იგი ლექციებს კითხულობდა საქართველოს ტექნიკურ უნივერსიტეტში, ხოლო 1997 წლიდან საქართველოს საბაჟო აკადემიაში. 2003 წელს იყო მონტერეის საერთაშორისო სწავლების ინსტიტუტი სტაჟიორი. ტექნიკის მეცნიერებათა კანდიდატი. 

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.169; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.225

• 2002 - საქართველოს სახელმწიფო პრემია, მეცნიერებისა და ტექნიკის დარგში
  ქვეყნის თავდაცვისუნარიანობის განმტკიცების საქმეში შეტანილი მნიშვნელოვანი წვლილისათვის
• 2001 - ღირსების ორდენი